سيريادا «يسلام مەملەكەتىنىڭ» جوعارى شەندى كومانديرىنىڭ كوزى جويىلدى
وپەراتسيا ناتيجەسىندە «يسلام مەملەكەتى» حالىقارالىق لاڭكەستىك توپ قولباسشىلارىنىڭ ءبىرىنىڭ كوزى جويىلعان، دەپ حابارلايدى قازاقپارات ءتىلشىسى.
ا ق ش قارۋلى كۇشتەرى دۇيسەنبى كۇنى سيريادا تىكۇشاقپەن جۇرگىزگەن وپەراتسيا ناتيجەسىندە «ي م» توبىنىڭ جوعارى شەندى قولباسشىلارىنىڭ ءبىرىنىڭ كوزىن جويدى.
اقپارات بويىنشا، مەرت بولعان ابد ءال-حادي ماحمۋد ءال-حادجي ءالي تاياۋ شىعىس پەن ەۋروپاعا لاڭكەستىك شابۋىل جوسپارلاعان.
مالىمدەمەدە ول «كوشباسشى، تاياۋ شىعىس پەن ەۋروپاداعى لاڭكەستىك شابۋىلداردى جوسپارلاۋعا جاۋاپتى جەدەل جوسپارلاۋشى» دەپ سيپاتتالعان.
CENTCOM حابارلاۋىنشا، تىكۇشاق وپەراتسياسى «ي م» شەتەلدەگى رەسمي تۇلعالاردى ۇرلاۋدى جوسپارلاعانىن دالەلدەيتىن بارلاۋ دەرەكتەرىنەن كەيىن جۇرگىزىلگەن.
سونداي-اق مالىمدەمەدە ي م توبىنىڭ تاعى باسقا ەكى مۇشەسى ولتىرىلگەنى حابارلاندى. وپەراتسيا تۋرالى باسقا دەرەك بەرىلمەگەن.
«رەيد ماقساتتى تۇلعانىڭ ولىمىنە اكەلدى، قارۋلانعان باسقا ەكى ادام ءولتىرىلدى»، - دەلىنگەن مالىمدەمەدە.
«ادام قۇقىقتارى جونىندەگى سيريا وبسەرۆاتورياسى» ۇيىمى سوققى سيريانىڭ تۇركيامەن شەكاراداعى دجارابلۋس قالاسىنان باتىسقا قاراي شامامەن 25 شاقىرىم جەردەگى اۋىلدا - اس-سۋۆەيدە عيماراتىنا جاسالعانىن حابارلادى.
بۇعان دەيىن وسى ايدا امەريكا اسكەرى سيرياعا شابۋىل جاساپ، تۇركيا مەن ەۋروپاعا تەراكت جوسپارلاۋعا جاۋاپتى ي م جوعارى شەندى كوشباسشىسىنىڭ كوزىن جويعانىن مالىمدەگەن بولاتىن.
