18:43, 18 - ءساۋىر 2023 | GMT +5
قارالىم بويىنشا گيننەس رەكوردىن ورناتقان ارۋ انشىلەر توبىن بىلەسىز بە
استانا. قازاقپارات – وڭتۇستىك كورەيالىق Blackpink پوپ- توبىنىڭ ارناسى مۋزىكالىق توپتار اراسىندا ەڭ قارالىمى كوپ YouTube-ارنا دەپ تانىلىپ، گيننەس رەكوردتار كىتابىنا ەندى، دەپ حابارلايدى قازاقپارات Yonhap اگەنتتىگىنە سىلتەمە جاساپ.
توپ ارناسىنداعى ۆيدەونى تاماشالاۋشىلار سانى 30 ميللياردتان، ال جازىلۋشى سانى - 86,9 ميلليون ادامنان اسقان.
توپ 2016-جىلى قۇرىلعان. ۇجىمنىڭ ءتورت مۇشەسى بار.
توپ Spotify-داعى ەڭ تانىمال ايەلدەر توبى رەتىندە، سونىمەن قاتار، ۇلى بريتانيا مەن ا ق ش- تاعى ەڭ تانىمال البومدار چارتىندا ءبىرىنشى ورىن العان ايەلدەردىڭ العاشقى K-pop توبى رەتىندە گيننەس رەكوردتار كىتابىنا ەندى.
