ەلەكتروندىق سيفرلىق قولتاڭبانى ەندى ۇيالى تەلەفون ارقىلى الۋعا بولادى
ەندى ە س ق الۋ ءۇشىن حالىققا قىزمەت كورسەتۋ ورتالىعىنا بارۋدىڭ قاجەتى جوق.
«موبيلدى ح ق و» قوسىمشاسىندا ح ق و وپەراتورىمەن بەينەقوڭىراۋ ارقىلى بايلانىسىپ، ە س ق- عا ۇيدەن شىقپاي-اق تاپسىرىس بەرۋگە بولادى.
بۇعان دەيىن كومپيۋتەرى جوق قازاقستاندىقتارعا ە س ق الۋ ءۇشىن حالىققا قىزمەت كورسەتۋ ورتالىعىنا بارۋعا تۋرا كەلدى. حالىقتىڭ وتىنىشىنە قۇلاق اسىپ، مەملەكەتتىك كورپوراتسيا جەكە جانە زاڭدى تۇلعالار ءۇشىن «موبيلدى ح ق و» قوسىمشاسىندا ە س ق الۋ مۇمكىندىگىن ەنگىزدى. ول ءۇشىن قوسىمشاعا كىرىپ «بەينە قىزمەتى» باتىرماسىن باسۋ كەرەك. وپەراتوردىڭ قوسىلۋىن كۇتىڭىز. ول جەكە كۋالىك پەن SMS ارقىلى كەلگەن كودتى سۇراپ، ءوتىنىمدى قابىلدايدى.
«جىل باسىنان بەرى 4 ميلليوننان استام ازامات قىزمەت الۋ ءۇشىن ح ق و-عا جۇگىندى. ولاردىڭ شامامەن %30 ى ەرەكشە سۇرانىسقا يە ە س ق الۋ قىزمەتىنە تاپسىرىس بەرگەن. سوندىقتان ءبىز ح ق و-عا بارۋدى قاجەت ەتپەيتىن مەملەكەتتىك قىزمەت كورسەتۋدىڭ قولجەتىمدى جانە ىڭعايلى امالىن ويلاستىرۋدى ماقسات ەتتىك. قازىرگى تاڭدا «موبيلدى ح ق و» ارقىلى 38 قىزمەت الۋعا بولادى. ءتىزىمدى ءالى دە تولىقتىرامىز»، - دەيدى مەملەكەتتىك كورپوراتسيانىڭ باسقارما ءتوراعاسى سۇيەنىش ءابدىلدين.
سونداي-اق، اتالعان قوسىمشادا جىلجىمايتىن مۇلىككە قۇقىق بەلگىلەيتىن قۇجاتتىڭ تەلنۇسقاسىن جانە جىلجىمايتىن مۇلىك وبەكتىلەرىنىڭ تەحنيكالىق پاسپورتىنىڭ تەلنۇسقاسىن بەرۋ، بالانىڭ تۋۋىنا جانە بالا كۇتىمىنە بايلانىستى الەۋمەتتىك تولەم تاعايىنداۋ، جەرلەۋگە ارنالعان ءبىر رەتتىك تولەمدەردى تاعايىنداۋ، كوپ بالالى وتباسىنا جاردەماقى تاعايىنداۋ، تۇرعىن ءۇي كومەگىن تاعايىنداۋ سەكىلدى ەڭ كوپ سۇرالاتىن قىزمەتتەر دە بار. قانداس مارتەبەسىن بەرۋ نەمەسە ۇزارتۋ قىزمەتتەرىن دە الۋعا بولادى.
اقىلى قىزمەتتەرگە تاپسىرىس بەرۋ كەزىندە تولەم شوتى ەكىنشى دەڭگەيدەگى بانكتەردىڭ قوسىمشالارىنا كەلەدى. كليەنت بەينەقوڭىراۋ ارقىلى قىزمەت الۋ بارىسىندا باج سالىعىن بىردەن تولەي الادى. سونىمەن قاتار، قوسىمشا ارقىلى ح ق و-عا بارۋدى الدىن-الا برونداۋعا، ەلەكتروندى كەزەك تالونىن الۋعا، سىزگە جاقىن ورنالاسقان ح ق و مەكەنجايىن جانە وزەكتى ماسەلەلەردى كورۋگە بولادى. ءبىز قوسىمشاداعى قولجەتىمدى قىزمەتتەر ءتىزىمىن كەڭەيتۋ ح ق و-عا كەلۋشىلەر اعىنىن ازايتۋعا مۇمكىندىك بەرەدى دەپ سەنەمىز.
ايتا كەتەيىك، بۇگىنگى كۇنگە دەيىن 68 مىڭعا جۋىق قولدانۋشى ۇيالى تەلەفوندارىنا «موبيلدى ح ق و» ورناتقان. قوسىمشانى Google Play جانە App Store ونلاين-دۇكەندەردەن جۇكتەپ الۋعا بولادى.
