اسىق اتۋ مەن توعىزقۇمالاق مەكتەپ وقۋشىلارىن تاربيەلەۋ جوسپارىنا ەنگىزىلدى

استانا. قازاقپارات - جوسپارعا سايكەس، ءار وقۋ ايىندا ءارتۇرلى ءىس-شارا ۇيىمداستىرىلادى.

ىبىراي التىنسارين اتىنداعى ۇلتتىق ءبىلىم اكادەمياسى تاربيە جۇمىسىن ءتيىمدى ۇيىمداستىرۋ ماقساتىندا ورتا ءبىلىم بەرۋ ۇيىمدارى ءۇشىن جاڭا وقۋ جىلىنا ارنالعان «توعىز اي - توعىز ءىس- شارا» جوسپارىن ۇسىندى، دەپ حابارلادى وقۋ- اعارتۋ مينيسترلىگى.

«توعىز وقۋ ايى ىشىندە وقۋشىلار توعىز ءتۇرلى ءىس-شارالارعا قاتىسادى. جوسپاردى ىسكە اسىرۋ - بيىلعى ناۋرىزدا وقۋشىلار اراسىندا وتكىزىلگەن»كۇي كۇمبىرى«رەسپۋبليكالىق دومبىراشىلار چەللەندجىنىڭ جالعاسى. بارلىق ءىس-شارالار ۇلتتىق قۇندىلىقتار نەگىزىندە تاربيە پروتسەسىنە ءبىرىڭعاي كوزقاراستى قامتاماسىز ەتۋگە باعىتتالعان»، - دەدى ىبىراي التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى مادينا تىنىبايەۆا.

ءىس-شارالار كەلەسى تارتىپتە وتكىزىلەدى:

قىركۇيەك - «سەرگىتۋ ءساتى»؛

قازان - «ءانۇران ايتۋ»؛

قاراشا - «اسىق اتۋ»؛

جەلتوقسان - «شىعارما جازۋ: بولاشاققا حات»؛

قاڭتار - «قازاق ەسەبى»؛

اقپان - «وقۋعا قۇشتار مەكتەپ»؛

ناۋرىز - «دومبىراشىلار»؛

ءساۋىر - «توعىزقۇمالاق، شاحمات ويىنى»؛

مامىر - «جاسىل مەكەن».