اتىپ كەتۋى دە مۇمكىن. تۋريستەر ءۇشىن ەڭ قاۋىپتى قالالار اتالدى

استانا. قازاقپارات - وركەنيەتتى ەلدەردىڭ بارلىعىندا دەرلىك تۋرسيتەردى قوناقجايلىقپەن قارسى الىپ، ولارعا قۋانادى.

جەرگىلىكتى حالىق ءسىز ءتىل بىلمەسەڭىز دە قولىنان كەلگەنشە كومەكتەسۋگە تىرىسادى. الايدا بارلىق جەردە ولاي ەمەس ەكەن، كەلۋشىلەردى جاقتىرمايتىن ەلدەر دە بار، - دەپ حابارلايدى Tengritravel.kz سايتى TravelRambler باسىلىمىنا سىلتەمە جاساپ.

كاراكاس، ۆەنەسۋەلا

ۆەنەسۋەلا استاناسى مارگاريتا ارالى سياقتى ايگىلى كۋرورتتا دەمالعىسى كەلەتىندەر ءۇشىن تارتىمدى جەر. ءبىراق بۇل قالاعا تەك گيدپەن كەلۋ كەرەك. ويتكەنى كاراكاستا تۋريستەرگە ءجۇرۋ قاۋىپتى كەلەتىن قىلمىس جايلاعان اۋداندار بار. ول اۋدانداردا ۇرلىق، توناۋ مەن اتىس-شابىستار دا بولىپ جاتادى. ءتىپتى ۆەنەسۋەلالىقتار ادامدى ۇرلاپ، ول ءۇشىن اقشا تالاپ ەتىپ تە جاتادى.

پيتەرماريتسبۋرگ، وڭتۇستىك افريكا

بۇل قالا ءوزىنىڭ ساۋلەتىمەن ەۋروپانىڭ ەسكى قالالارىن ەسكە سالاتىندىقتان تۋريستەر كوپ باراتىن جەر. شاھار وسىنداي اسەمدىگىنە قاراماستان، كەلۋشىلەر ءۇشىن وتە قاۋىپتى. مۇندا قىلمىس دەڭگەيى وتە جوعارى، قارۋلى شابۋىل مەن توناۋ ءجيى بولادى ەكەن. مۇنداي شابۋىلداردىڭ باسىم بولىگى كسەنوفوبيا سالدارىنان بولىپ تۇرادى، ءبىر سوزبەن مۇندا وزگە ەلدەن كەلۋشىلەردى جاقتىرمايدى.

پورت-مورسبي، پاپۋا- جاڭا گۆينەيا

ءبىر قاراعاندا بۇل شاھار دەمالىسقا وتە جايلى كورىنەدى: مۇندا كەڭ جاعاجايلار مەن مۇراجايلار مول. دەگەنمەن قوناقۇيدەن الشاقتاماعان ءجون بولادى. ويتكەنى قالا ماڭىندا وتە كەدەي تۇرعىندار تۇرادى، جۇپىنى ۇيلەر ورنالاسقان. ونداعىلار تۋرسيتەردىڭ زاتتارىن وڭاي ولجا كورەدى، ءتىپتى ادامنىڭ ءوزىن ۇرلاپ كەتۋى مۇمكىن.