مينيسترلىك ا ق ش- تا قاراقشىلارعا تويتارىس بەرگەن قازاق جىگىتى جايىندا پىكىر ءبىلدىردى
«ءمالىم بولعانداي، ءبىزدىڭ ەلدىڭ ازاماتىنا جەرگىلىكتى قىلمىستىق توپ شابۋىل جاساعان. ولار ونىڭ سومكەسىن الىپ قويماق بولعان. ايتۋىنشا، سومەكەدە قۇجاتتار جانە اقشا بولعان. قازىرگى ۋاقىتتا قۇقىق قورعاۋ ورگاندارى قازاقستاندىقتىڭ سومكەسىن ۇرلاعان قىلمىسكەرلەردى ىزدەستىرىپ جاتىر. شابۋىل كەزىندە قازاقستان ازاماتى جەڭىل جاراقات العان، مەديتسينالىق كومەكتەن باس تارتتى. ونىڭ ومىرىنە ءقاۋىپ ءتونىپ تۇرعان جوق. ول اتالعان ەلگە زاڭدى نەگىزدە بارعان»، - دەپ ءتۇسىندىردى ايبەك سمادياروۆ.
مينيسترلىك وكىلىنىڭ دەرەگىنشە، ولجاس قالدىبايەۆ اۋە ديسپەتچەرى ماماندىعى بويىنشا لاتۆيادا ءبىلىم الىپ ءجۇر. ال، ماياميگە وقۋ بويىنشا ەكى ايلىق كۋرسقا بارعان.
ەسكە سالايىق، كەشە الەۋمەتتىك جەلىلەردە ا ق ش- تا جۇرگەن قازاقستاندىق ولجاس قالدىبايەۆقا قاراقشىلىق شابۋىل جاسالعانى جانە قازاق جىگىتى قىلمىسكەرلەرگە تويتارىس بەرىپ، قارۋىن تارتىپ العانى تۋرالى ۆيدەولار تارادى.
ءوزىنىڭ ايتۋىنشا، تاپانشا مەن مىلتىق ۇستاعان ءۇش جىگىت سومكەسىن تارتىپ العان.
ءبىراق كەيىن ولاردىڭ ءبىرىن قۋىپ ءجۇرىپ ۇستاعان جانە ونى جىبەرمەي وتىرىپ پوليتسەيلەردى كۇتكەن. بارلىعىن ۆيدەوعا ءتۇسىرىپ العان.
سول كەزدە قاراقشىنىڭ ەكى دوسى ونى بوساتۋ ءۇشىن قايتا ورالعان. قولدارىندا تاپانشا بولعان. ولار قازاق جىگىتىنە شابۋىل جاساعان.
الايدا، ولجاس كۇتپەگەن جەردەن قارسىلىق كورسەتىپ، قارۋدى تارتىپ العان. ۇرىلار قاشىپ كەتكەن.
كوپ ۇزاماي پوليتسەيلەر جەتكەن. قاراقشىلاردى ىزدەۋگە 6 پوليتسيا كولىگى مەن تىكۇشاق جۇمىلدىرىلدى.
Посмотреть эту публикацию в Instagram
