ءمۇشايرا: جاساي بەر، جايناي بەر، استانا

استانا.قازاقپارات - اتتى رەسپۋبليكالىق جىر ءمۇشايراسىنا شاقىرامىز.

تاۋەلسىز قازاقستاننىڭ جۇرەگى، مەملەكەتىمىزدىڭ تىرەگى - استانامىزدىڭ بايتاق سارىارقادا شاڭىراق كوتەرىپ، ىرگە تەپكەنىنە بيىل 25 جىل! بۇل - ۇلت بولىپ ۇلىقتايتىن ۇلى مەرەكە!

ەلىمىز استاناعا قاراپ بوي تۇزەپ، جاس ۇرپاق استاناعا قاراپ بولاشاعىن ايقىندايدى. استانامىزدىڭ ەڭسەسى بيىكتەي تۇسكەن سايىن حالقىمىزدىڭ دا ارمانى اسقاقتاي تۇسەدى.

استانانىڭ ارقاعا كوشۋى - ەل ومىرىندەگى ايشىقتى تاريح. بۇل تاريحتى ەشكىم جوققا شىعارا المايدى. كەشەگى يمپەريالىق ساياساتتىڭ سالدارىنان «تىڭ ولكەسىنىڭ» ورتالىعىنا اينالا جازداعان اقمولا تاۋەلسىزدىك العان وتىز جىل ىشىندە الەمگە ايگىلى قازاقستان مەملەكەتىنىڭ مارتەبەلى استاناسىنا اينالدى. بۇعان نەگە ماقتانباسقا، ماساتتانباسقا؟ ەلىمىز باسىنان وتكەرگەن وتىز جىل كولەمىندە نە ءبىر قيىندىقتاردى ارتقا تاستادىق. تاريحي كوشىمىزدى بيىكتەرگە باستادىق. وتىز جىل ىشىندە مەملەكەت رەتىندە ىرگەمىزدى بەكىتىپ، الەمگە تانىلدىق. بۇل - تاريح! ارينە جەتكەن جەتىستىگىمىزبەن قوسا، وكىنىشتەر دە از ەمەس.

استانانىڭ 25 جىلدىق مەرەكەسىن تويلاۋ - ەلدىكتى تويلاۋ. وتكەنىمىزدى تۇگەندەپ، جارقىن بولاشاعىمىزدى ويلاۋ. پرەزيدەنتىمىز قاسىم- جومارت كەمەل ۇلى توقايەۆتىڭ: «قازاقتىڭ ءتىلى - قازاقتىڭ جانى! حالقىمىزدىڭ تاريحى دا، تاعدىرى دا - تىلىندە. مادەنيەتى مەن ادەبيەتى دە، ءدىلى مەن ءدىنى دە - تىلىندە» - دەگەن ءسوزى استاناعا دا تىكەلەي قاتىستى. مەملەكەتتىك ءتىلىمىزدىڭ مارتەبەسىن كوتەرىپ، مۇراتىن ايقىنداۋدا استانانىڭ ورنى بولەك! سوندىقتان دا استانا قالاسى اكىمدىگىنىڭ قولداۋىمەن ون جىلدان بەرى استانا كۇنىنە ارناپ رەسپۋبليكالىق جىر ءمۇشايراسىن وتكىزىپ كەلەمىز. بۇل تۇرعىدا استانا قالاسى اكىمدىگىنىڭ مادەنيەت باسقارماسىنا رەسپۋبليكا قالامگەرلەرىنىڭ ايتار العىسى مول!

استانامىزدىڭ 25 جاسقا تولعان تويىنا ارنالىپ جاريالاپ وتىرعان بيىلعى ءمۇشايرانىڭ ءمانى ءتىپتى ەرەكشە. استانانى جىرلاۋ - ازاتتىقتى جىرلاۋ، تاريحىمىزدى جىرلاۋ، ۇلت بولاشاعىن جىرلاۋ، تاۋەلسىزدىك جولىندا قۇربان بولعان ەرلەر رۇحىن جىرلاۋ دەپ بىلگەنىمىز ءجون. سوندىقتان دا بيىلعى ءمۇشايرانىڭ تاقىرىپ اياسى بارىنشا كەڭ. جۇلدە قورى دا وتە قوماقتى. ادىلەتتى قازاقستان قۇرۋعا بەت بۇرىپ وتىرعان تاريحي كەزەڭدە اقىنداردى وسى ءدۇبىرلى جىر بايگەسىنە قاتىسۋعا شاقىرامىز.

باس جۇلدە - 3300000.

ءبىرىنشى ورىن - 2200000.

ەكىنشى ورىن ەكەۋ - 1100000.

ءۇشىنشى ورىن ۇشەۋ - 660000.

ىنتالاندىرۋ سىيلىعى بەسەۋ - 330000.

ءمۇشايراعا ەش جەردە جارىق كورمەگەن ولەڭدەر، تولعاۋلار قاتىسا الادى. ءمۇشايراعا ۇمىتكەر شىعارمالار 2023 -جىلدىڭ ماۋسىم ايىنىڭ 15 نە دەيىن قابىلدانادى.

ءمۇشايرا قورتىندىسى استانا كۇنى قارساڭىندا جاريالانىپ، ماراپاتتاۋ ءراسىمى 30 -ماۋسىم كۇنى استانا قالاسىنىڭ «جاستار تەاترىندا» وتەدى.

ۇمىتكەرلەر شىعارماسىن كومپيۋتەردە تەرىپ، تومەندەگى مەكەن- جايعا جىبەرۋ كەرەك. نەمەسە ەلەكتروندىق پوشتاعا جولداۋعا بولادى. [email protected]

قازاقستان رەسپۋبليكاسى، استانا قالاسى، «تاريحي مادەني مۇرانى ساقتاۋ جانە پايدالانۋ ورتالىعى» . وتىرار كوشەسى 1/2 ءۇي. يندەكس: 010000,

اۆتوردىڭ اتى- ءجونى، مەكەن- جايى، بايلانىس تەلەفونى، ەلەكتروندىق پوشتاسى مىندەتتى تۇردە كورسەتىلۋى كەرەك.

ەسكەرتۋ: جۇلدەگەرلەردىڭ كەلىپ- كەتۋ شىعىنىن ۇيىمداستىرۋشى تاراپ موينىنا المايدى.

ۇيىمداستىرۋ القاسى

adebiportal.kz