قازاقستاندىق تاماق ونىمدەرىن وندىرۋشىلەر قىتايدىڭ تاعى ءبىر ماركەتپلەيسىنە كىرۋگە مۇمكىندىك الدى
تاراپتار قازاقستاندىق ءونىمدى قىتايدىڭ ءىرى ماركەتپلەيستەرىنە، اتاپ ايتقاندا JD.com ەلەكتروندىق پلاتفورماسىنا شىعارۋداعى ءوزارا ءىس- قيمىلدى تالقىلادى، دەپ حابارلايدى قازاقپارات ق ر ساۋدا جانە ينتەگراتسيا مينيسترلىگىنىڭ رەسمي سايتىنا سىلتەمە جاساپ.
JD.com كومپانياسى 1998-جىلى قۇرىلعان قىتايداعى تاۋارلار مەن قىزمەتتەردى ساتۋعا ارنالعان ەڭ ءىرى ونلاين پلاتفورما. ەلەكتروندىق الاڭ الەمدەگى ەڭ ءىرى ونلاين ساتۋشىلاردىڭ ءبىرى بولىپ سانالادى، مۇندا ەلەكترونيكا، كيىم، اياق كيىم، كوسمەتيكا، ازىق-تۇلىك جانە ت. ب. تاۋارلاردى العاندا، 1 ميلليوننان استام تاۋار ساتىلادى.
كەلىسسوزدەرگە ەكسپورتتىق الەۋەتى جوعارى تاماق ونىمدەرىن شىعاراتىن 10 عا جۋىق قازاقستاندىق كاسىپورىن قاتىستى. بۇل كۇنباعىس، راپس مايى، كونديتەرلىك ونىمدەر، الكوگولدى جانە الكوگولسىز سۋسىندار، تاعامدار جانە ت. ب. وندىرۋشىلەر.
قىتايلىق سەرىكتەستەر ۇسىنىلعان ازىق- تۇلىك ۇلگىلەرىمەن تانىسىپ، قازاقستاندىق تاۋارلاردى قىتاي نارىعىنا جەتكىزۋ بويىنشا ودان ءارى ىنتىماقتاستىققا قىزىعۋشىلىق تانىتتى.
سينسين كومپانياسىنىڭ قىتاي نارىعىنداعى الەمدەگى جەتەكشى كومپانيالاردى ساتۋ جانە قىزمەت كورسەتۋدەگى مول تاجىريبەسىن پايدالانۋ ارقىلى كەزدەسۋگە قاتىسۋشىلار قازاقستاندىق ءونىمدى JD.com پلاتفورما ارقىلى قىتايعا جىلجىتۋ مۇمكىندىكتەرىن انىقتادى.
سونداي-اق، كەلىسسوز بارىسىندا «سينسين قىتاي كورپوراتسياسى» ج ش س باسشىسى كومپانيانىڭ دەنساۋلىق ساقتاۋ سالاسىنداعى ىنتىماقتاستىققا، ونىڭ ىشىندە قازاقستاننىڭ مەديتسينالىق مەكەمەلەرىنە مەديتسينالىق جابدىقتار مەن پرەپاراتتاردى جەتكىزۋگە، مەديتسينالىق كادرلاردى وقىتۋ تاجىريبەسىمەن الماسۋعا مۇددەلىلىگىن اتاپ ءوتتى.
