سەمەيدە وقۋشى قىز سوققىعا جىعىلدى

سەمەي. قازاقپارات - سەمەيدە وقۋشى قىز سوققىعا جىعىلدى. پوليتسياعا ونىڭ قۇرداستارى - وزگە وقۋشى قىزدار اتا- انالارىمەن بىرگە جەتكىزىلدى.

قازاقپارات بۇل تۋرالى polisia.kz-كە سىلتەمە جاساپ حابارلايدى.

پوليتسەيلەر سەمەي قالاسىنىڭ الەۋمەتتىك جەلىلەرىنە مونيتورينگ جۇرگىزۋ بارىسىندا ۆيدەوجازبا انىقتاعان. وندا قالا مەكتەپتەرىنىڭ بىرىندە وقيتىن وقۋشى قىزدار وزگە وقۋشى قىزعا دەنە جاراقاتىن سالىپ جاتقان.

«وقيعا 10-ءساۋىر كۇنى سەمەي قالاسىندا بولعان. 15-ءساۋىر وسى فاكت بويىنشا ق ر قىلمىستىق كودەكسىنىڭ 293-بابى بويىنشا سوتقا دەيىنگى تەرگەۋ باستالدى.

جانجالدىڭ بارلىق قاتىسۋشىلارى انىقتالىپ، زاڭدى وكىلدەرىمەن بىرگە پوليتسيا بولىمىنە جەتكىزىلدى.

قازىر اتا-انالاردىڭ، پسيحولوگتاردىڭ قاتىسۋىمەن تەرگەۋ شارالارى جۇرگىزىلىپ جاتىر.

قالعان اقپارات تەرگەۋ مۇددەسىندە، ق ر ق ى ج ك-نىڭ 201-بابىنا سايكەس جاريا ەتۋگە جاتپايدى»، - دەلىنگەن مالىمەتتە.

سونداي اق پوليتسەيلەر كورىنەۋ جالعان اقپارات تاراتقانى ءۇشىن 3 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعانىن ەسكە سالدى.

ەسكە سالايىق، ناۋرىز ايىنىڭ سوڭىندا ا د ك ساۋدا ءۇيىنىڭ اجەتحاناسىندا كوللەدجدە وقيتىن بويجەتكەن سوققىعا جىعىلعان بولاتىن. كەيىن الەۋمەتتىك جەلىدە بويجەتكەندى ۇرعان وقۋشى قىزدىڭ اكەسى انتيكوردا قىزمەت ەتەتىنى جايلى اقپارات تاراي باستادى.

كەيىن الەۋمەتتىك جەلىدە بويجەتكەندى ۇرعان وقۋشى قىزدىڭ اكەسى انتيكوردا، اناسى وسكەمەن قالالىق ءبىلىم بولىمىندە قىزمەت ەتەتىنى جايلى اقپارات تاراي باستادى. ءبىراق ق ر سىبايلاس جەمقورلىققا قارسى ءىس-قيمىل اگەنتتىگى شىعىس قازاقستان وبلىسى بويىنشا دەپارتامەنتىنىڭ باسشىسى دەنيس شاكەنوۆ توبەلەسكە قاتىسقانداردىڭ ەشبىرىنىڭ اكەسى انتيكور قىزمەتكەرى ەمەس ەكەندىگىن ءمالىم ەتتى.

قازاقپارات ءتىلشىسى ش ق و ءبىلىم باسقارماسىنان بىلگەندەي، توبەلەس شىعارعان قىزدىڭ اناسى راسىمەن وسكەمەن قالالىق ءبىلىم بولىمىندە قىزمەت ەتكەن. ءبىراق ول وسى وقيعادان كەيىن ءوز ەركىمەن جۇمىستان كەتكەن.