قارلى بورانعا بايلانىستى استانادان شىعاتىن تاسجولدار جابىق

استانا. قازاقپارات - استانا قالاسىنىڭ توتەنشە جاعدايلار دەپارتامەنتى كۇن رايىنا بايلانىستى ەلوردادان شىعاتىن تاسجولداردىڭ جابىلعانىن مالىمدەدى، دەپ حابارلايدى قازاقپارات.

«بۇگىن ساعات 10:00-دەن باستاپ اۋا رايىنىڭ ناشارلاۋىنا بايلانىستى (قاتتى جەل، قارلى بوران) كولىك قۇرالدارىنىڭ بارلىق تۇرلەرى ءۇشىن رەسپۋبليكالىق ماڭىزى بار اۆتوجولدارداعى كولىك قوزعالىسى توقتاتىلدى: «ەكاتەرينبۋرگ- الماتى» اۆتوجولىنىڭ 1291-1353-شاقىرىمى (استانادان - انار ستانساسىنا دەيىن)، «استانا- قورعالجىڭ» اۆتوجولىنىڭ 19-124 شاقىرىمى (استانا- قورعالجىڭ) ، «استانا- قابانباي باتىرا- كييەۆكا- نۇرا- تەمىرتاۋ» اۆتوجولى 16-51-شاقىرىمى (قوسشى- قاراعاندى وبلىسى)»، - دەپ حابارلادى ت ج د.

بۇعان دەيىن حابارلاعانىمىزداي، كۇن رايىنىڭ قولايسىزدىعىنا جانە تراسسالاردىڭ جابىلۋىنا بايلانىستى قالا ماڭىنا قاتىنايتىن بىرنەشە باعىتتا اۆتوبۋستار قوزعالىسى ۋاقىتشا توقتاتىلدى.