بۋرابايدا ونداعان گەكتار ورمان وتالىپ تاستالدى
وقيعا بۋراباي كۋرورتتىق ايماعىنا كىرەر تۇستاعى اقىلباي اۋىلىنىڭ ماڭىندا ورىن العان. مىڭداعان اعاشتىڭ وتالىپ جاتقانىن كورگەن ادام ونى دەرەۋ ۆيدەوعا ءتۇسىرىپ الىپتى.
- بۇل بۋرابايعا ەسكى بەكەتتەن وتەتىن تۇستا بولىپ جاتىر. ءبارىن وسىنشا نەگە تۇگەل وتاپ تاستاعان؟ قانشا جىل بويى ءوستى ەمەس پە؟ - دەيدى ول.
تابيعاتى تىلسىم بۋرابايداعى بۇل جاعداي بويىنشا قۇزىرلى ورگاندار دەرەۋ جاۋاپتارىن بەرىپ تاپسىرمانىڭ جوعارىدان كەلگەنىن ايتىپ اقتالماق بولدى. بۋراباي اۋدانى اكىمدىگىنىڭ مالىمەتىنشە قايىڭ اعاشتارىن جاپپاي وتاۋ ورمان شارۋاشىلىعى جانە جانۋارلار الەمى كوميتەتىنىڭ بۇيرىعىمەن بەكىتىلگەن.
«بۋراباي» مەملەكەتتىك ۇلتتىق تابيعي پاركىنىڭ اقىلباي ورمان شارۋاشىلىعى اۋماعىنداعى 35 كۆارتالدا بولعان جاپپاي اعاشتى كەسۋ قىسقى كەزەڭدەگى ورمان شارۋاشىلىعى جانە جانۋارلار الەمى كوميتەتىنىڭ بۇيرىعىمەن بەكىتىلگەن. وتىن «بۋراباي» مۇتپ اعاش وڭدەۋ سەحىنا تاسىمالدانادى، - دەيدى بۋراباي اۋدانى اكىمدىگىنەن.
ال اقمولا وبلىسىنىڭ ەكولوگيا دەپارتامەنتى ماسەلەنى ءوڭىردىڭ ورمان شارۋاشىلىعى جانە جانۋارلار الەمى اۋماقتىق ينسپەكتسياسىنا جۇگىنۋ قاجەتتىگىن ايتادى.
«ورمان شارۋاشىلىعىن قورعاۋ، ساقتاۋ جانە قولدانۋ، ورمان ءوسىرۋ قازاقستان رەسپۋبليكاسى زاڭناماسىمەن بەكىتىلگەن تالاپتارمەن ولاردىڭ قىزمەتىنىڭ سايكەستىگىن باقىلاۋ جانە تەكسەرۋ وكىلەتتى ورگاننىڭ قىزمەتى. مەملەكەتتىك ورمان قورىنىڭ اۋماعىنداعى وتالعان اعاشتاردى وتالعانى كورسەتىلگەن اتالعان ۆيدەونىڭ زاڭدى زاڭسىزدىعىن قاراستىرۋ ءۇشىن اقمولا وبلىسىنىڭ ورمان شارۋاشىلىعى جانە جانۋارلار الەمى اۋماقتىق ينسپەكتسياسىنا جۇگىنۋ قاجەت»، - دەيدى ەكولوگيا دەپارتامەنتىنەن.
بۋراباي مەملەكەتتىك ۇلتتىق تابيعي پاركى دە بۇل وتالعان اعاشتاردىڭ ورمان شارۋاشىلىعى جانە جانۋارلار الەمى كوميتەتىنىڭ بۇيرىعى نەگىزىندە وتالعانىن ءمالىم ەتتى.
اقپارات دەرەككوزى: ماسساگەت
