پرەزيدەنت باسى داۋعا قالعان وبلىس باسشىسىن جۇمىستان قۋدى
«سادىر جاپاروۆتىڭ تاپسىرماسى بويىنشا وش وبلىسى باسشىلىعىنىڭ قىزمەتىن تەكسەرۋ جونىندەگى ءتيىستى كوميسسيا قۇرىلدى، ونىڭ ناتيجەلەرى بويىنشا بۇزۋشىلىق فاكتىلەرى انىقتالدى. سوندىقتان ءبىرقاتار باسشىنى اتقاراتىن لاۋازىمدارىنان بوساتۋ تۋرالى ۇسىنىس ەنگىزىلدى»، - دەلىنگەن حابارلامادا.
قىرعىزستان پرەزيدەنتىنىڭ وكىمىمەن قىزمەتىنەن بوساتىلعاندار:
وش وبلىسىنداعى پرەزيدەنتتىڭ وكىلەتتى وكىلى زيادين جامالدينوۆ؛
وش وبلىسى پرەزيدەنتىنىڭ وكىلەتتى وكىلىنىڭ ورىنباسارى دانيار جانىقۇلوۆ؛
مەملەكەتتىك اكىمشىلىك باسشىسى - وش وبلىسى قارا- سۋي اۋدانىنىڭ اكىمى تۇرىسبەك نوعويەۆ.
وش وبلىسىنداعى پرەزيدەنتتىڭ وكىلەتتى وكىلى بولىپ ەلچيبەك جانتايەۆ تاعايىندالدى.
باسىلىم مالىمەتىنشە، الەۋمەتتىك جەلىدە وش وبلىسى باسشىسىنىڭ ورىنباسارى دانيار جانىقۇلوۆ پارا الدى دەگەن ۆيدەو تاراعان بولاتىن. كادردا قارا-سۋي اۋدانىنىڭ اكىمى تۇرىسبەك نوعويەۆ تا بار.
