قازاقستان مەن كورەيا اراسىنداعى ينۆەستيتسيا كولەمى رەكوردتىق كورسەتكىشكە جەتتى
دەلەگاتسيا قۇرامىنا سىرتقى ىستەر، دەنساۋلىق ساقتاۋ، يندۋستريا جانە ينفراقۇرىلىمدىق دامۋ مينيسترلىكتەرى، «KAZAKH INVEST» ۇ ك» ا ق، «س ك- فارماتسيا» وكىلدەرى، سونداي- اق كاسىپكەرلەر مەن بيزنەس- قاۋىمداستىقتار وكىلدەرى كىردى.
ساپار اياسىندا قازاقستاندىق دەلەگاتسيا جەتەكشى كورەيالىق كومپانيالاردىڭ باسشىلىعىمەن كەزدەستى. كەزدەسۋلەر بارىسىندا ماشينا جاساۋ، فارماتسيەۆتيكا، ت م ك، ەنەرگەتيكا جانە قۇرىلىس سياقتى سالالاردا ىسكە اسىرىلىپ جاتقان جانە كەلەشەگى بار بىرلەسكەن جوبالار تالقىلاندى.
وتكەن جىلدىڭ قورىتىندىسى بويىنشا ەكى ەل اراسىنداعى تاۋار اينالىمى $6 ميللياردتان استى، ال كورەيادان قازاقستانعا تارتىلعان تىكەلەي شەتەلدىك ينۆەستيتسيالاردىڭ (ت ش ي) كولەمى 2022 -جىلى شامامەن $1,5 ميلليارد بولدى، بۇل قازاقستان مەن كورەيا اراسىنداعى ەكونوميكالىق قاتىناستاردىڭ تاريحىندا رەكوردتىق كورسەتكىش بولىپ وتىر.
سونىمەن قاتار كورەيا رەسپۋبليكاسىنىڭ ساۋدا، يندۋستريا جانە ەنەرگەتيكا ءمينيسترى لي چحانگ يانگپەن كەزدەسۋ ءوتتى. اڭگىمە بارىسىندا قازاقستان- كورەيا ەكىجاقتى ەكونوميكالىق ىنتىماقتاستىعىنىڭ وزەكتى ماسەلەلەرى تالقىلاندى. قازاقستاننىڭ وڭتۇستىك كورەيانىڭ كاپيتالى مەن تەحنولوگيالارىن تارتۋعا قىزىعۋشىلىعى جوعارى ەكەنى اتاپ ءوتىلدى.
«ەكونوميكالىق ءوزارا ءىس- قيمىلدىڭ باسىم باعىتتارى - ەنەرگەتيكا، ت م ك، ماشينا جاساۋ، ەلەكتر تەحنيكاسى، اۋىل شارۋاشىلىعى، فارماتسيەۆتيكا، كولىك ينفراقۇرىلىمى، ءبىلىم بەرۋ جانە تۋريزم. ءبىزدى وڭتۇستىك كورەيانىڭ ەلەكتروندى ونەركاسىپ، ماشينا جاساۋ، جاڭارتىلاتىن ەنەرگيا كوزدەرى جانە «جاسىل» ەكونوميكا سالالارىن دامىتۋداعى وزىق تاجىريبەسى قىزىقتىرادى. وڭتۇستىك كورەيانىڭ ءبىرقاتار كومپانياسى قازىردىڭ وزىندە ءبىزدىڭ ەلىمىزدە ەنەرگەتيكا، ينفراقۇرىلىم جانە باسقا دا سالالار بويىنشا جوبالاردى ىسكە اسىرۋعا بەلسەندى تۇردە قاتىسۋدا»، - دەدى پرەمەر- ءمينيستردىڭ ءبىرىنشى ورىنباسارى.
جۇمىس ساپارى اياسىندا ىنتىماقتاستىق تۋرالى ءبىرقاتار بىرلەسكەن قۇجاتقا قول قويىلدى، ونىڭ ىشىندە «Vehicles Almaty» ج ش س- مەن «Youngsan Corporation» كومپانياسىنىڭ ونىمدەرىن لوكاليزاتسيالاۋ، وڭتۇستىك كورەيالىق «Motrex» جانە قازاقستاندىق «Сar Wagon Wheels» كومپانيالارىمەن بىرلەسىپ مۋلتيمەديالىق قۇرىلعىلار شىعارۋ جونىندەگى كەلىسىمگە قول قويىلدى.
سونداي- اق ق ر پرەمەر- ءمينيسترىنىڭ ءبىرىنشى ورىنباسارى رومان سكليار مەن Kia Corporation پرەزيدەنتى جانە CEO- سى حو سۋن سون مىرزانىڭ اراسىندا قازاقستان رەسپۋبليكاسىنىڭ اۆتوموبيل جاساۋ ءوندىرىسىن بىرلەسىپ دامىتۋ، لوكاليزاتسيالاۋدى تەرەڭدەتۋ جانە ينجەنەر كادرلاردى وقىتۋ تۋرالى كەلىسىمگە قول قويىلدى.
