قاشاعان مۇناي- كەن ورنىنىڭ وپەراتورى ەكولوگيا مينيسترلىگىنىڭ تالابىنا تۇسىنىكتەمە بەردى
ەكولوگيا مينيسترلىگىنىڭ تالابىنا قاتىستى تۇسىنىكتەمە بەرگەن كونسورتسيۋمنىڭ باسقارۋشى ديرەكتورى وليۆە لازار وسىلاي ءمالىم ەتتى، دەپ حابارلايدى قازاقپارات ءتىلشىسى Atameken Business-كە سىلتەمە جاساپ.
«قازىرگى ۋاقىتتا مەن بۇل تۋرالى ءالى ەشتەڭە ايتا المايمىن. دەگەنمەن ءبىز ءوز جۇمىسىمىزدا ەكولوگيالىق تالاپتاردى قاتاڭ ۇستانامىز. بۇگىندە بىزدە ەكولوگيا مينيسترلىگىمەن كەلىسپەۋشىلىكتەر بار. الايدا، ءبىز ءوزىمىزدىڭ اتقارىپ جاتقان جۇمىستارىمىزدىڭ دۇرىس ەكەنىنە سەنىمدىمىز»، - دەدى وليۆە لازار.
ەستەرىڭىزگە سالا كەتەيىك، ەكولوگيا جانە تابيعي رەسۋرستار مينيسترلىگى قاشاعان مۇناي كەن ورنىنىڭ وپەراتورى NCOC كومپانياسىنا قاتىستى ارىز تۇسىرگەن ەدى. تەكسەرۋ جۇمىستارى بىلتىر كۇكىرتتى ساقتاۋ ەرەجەلەرىنىڭ بۇزىلۋىنا بايلانىستى باستالعان بولاتىن.
Bloomberg اگەنتتىگىنىڭ مالىمەتىنشە، مينيسترلىك شامامەن 2,3 تريلليون تەڭگە (5,1 ميلليارد دوللار) سوماسىنا ارىز تۇسىرگەن.
