قاسىم- جومارت توقايەۆ يران پرەزيدەنتى يبراحيم رايسيمەن تەلەفون ارقىلى سويلەستى

استانا. قازاقپارات - مەملەكەت باسشىسى قاسىم- جومارت توقايەۆ يران يسلام رەسپۋبليكاسىنىڭ پرەزيدەنتى يبراحيم رايسيمەن تەلەفون ارقىلى سويلەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

پرەزيدەنتتەر ءبىرىن ءبىرى قاسيەتتى رامازان ايىمەن جانە كەلە جاتقان ورازا ايت مەرەكەسىمەن قۇتتىقتادى.

مەملەكەتتەر باسشىلارى قازاقستان مەن يران قارىم- قاتىناسىنىڭ قازىرگى جاعدايى مەن دامۋ پەرسپەكتيۆالارىن تالقىلادى. تاراپتار ەكى ەل اراسىنداعى ىنتىماقتاستىقتى، سونىڭ ىشىندە كولىك، لوگيستيكا جانە ساۋدا سالالارىنداعى بايلانىستاردى ودان ءارى نىعايتۋ ءۇشىن مۇمكىندىك مول ەكەنىن اتاپ ءوتتى.

سونىمەن قاتار تاراپتار وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.