ا ق ش بارلاۋ قىزمەتىنىڭ قۇپيا قۇجاتتارىن جاريالاعان كۇدىكتىنى ۇستادى

استانا. قازاقپارات – فەدەرالدى تەرگەۋ بيۋروسى ا ق ش بارلاۋ قىزمەتىنىڭ قۇپيا قۇجاتتارىن جاريالاعان كۇدىكتىنى ۇستادى.

انىقتالعانداي ۇلتتىق گۆاردياعا قاراستى اۋە كۇشتەرى بولىمشەسىنىڭ 21 جاستاعى قىزمەتكەرى اسكەري قۇجاتتاردى الەۋمەتتىك جەلىدە تاتارتقان.

ا ق ش بارلاۋ قىزمەتىنىڭ جاسىرىن مالىمەتتەرىن جاريالاعان كۇدىكتىنى ادىلەت مينيسترلىگى مەن پەنتاگون تەرگەپ جاتىر. ونىڭ ەسىم- سويى دا بەلگىلى بولدى. جاۋ الىستان كەلمەپتى. باس پروكۋرور ماسساچۋسەتس شتاتىنداعى ۇلتتىق گۆارديانىڭ اۆياتسيالىق بولىمىندە قىزمەت ەتەتىن دجەك تەيشەيرانىڭ ۇستالعانىن مالىمدەدى.

ول ينتەرنەتتەگى ۆيدەو ويىنشىلار اراسىندا تانىمال discord دەپ اتالاتىن الەۋمەتتىك جەلىدە جابىق چات توبىنىڭ جەتەكشىسى بولعان. سول جەردە قۇپيا قۇجاتتارمەن ءبولىسىپ، بوسكەنگە ۇقسايدى. جابىق چاتتاعى 20-30 جاسوسىپىرىمگە ءوزى وقىعان قۇپيا قۇجاتتاردىڭ مازمۇنىن ايتىپ بەرگەن، كەيىن سۋرەتكە ءتۇسىرىپ، چاتقا تاراتقان.

مەرريك گارلاند، ا ق ش باس پروكۋرورى:

- مەن ف ب ر- گە، ادىلەت دەپارتامەنتىنە، پروكۋراتۋراعا جانە قورعانىس مينيسترلىگىندەگى ارىپتەستەرىمىزگە وسى ءىس بويىنشا قاجىرلى ەڭبەكتەرى ءۇشىن العىس ايتامىن. بۇل تەرگەۋ ءالى جالعاسادى. ءبىز قوسىمشا اقپاراتتى ءتيىستى ۋاقىتتا بولىسەمىز. قۇپيا قۇجاتتار كوپتەگەن قىزمەتكەرلەرگە قول جەتىمدى بولسا دا، تەرگەۋشىلەر سوت- مەديتسينالىق ساراپتاما ناتيجەسىندە كۇدىكتىلەر سانىن قىسقارتقان.

جابىق چاتتا وتىرعان Discord پلاتفورماسى دا تەرگەۋگە جان- جاقتى كومسەكتەسەتىنىن مالىمدەدى. بۇل ءىس بويىنشا قىلمىستىق تەرگەۋدى ۆاشينگتونداعى ف ب ر كەڭسەسى جۇرگىزىپ جاتىر.

ەستەرىڭىزگە سالايىن، جەلىدە جاريا بولعان قۇپيا جانە اسا قۇپيا قۇجاتتاردا ۋكراينا مەن رەسەي اسكەرىنىڭ ارتىقشىلىعى، وسال تۇستارى سياقتى ساراپتامالار، فوتوسۋرەتتەر، كارتالار بولعان. بۇدان بولەك ا ق ش- تىڭ وداقتاستارى، اتاپ ايتقاندا يزرايل، وڭتۇستىك كورەيا جانە تۇركيا تۋرالى مالىمەتتەر اشىلىپ قالدى.

www.24.kz