ا ق ش- تا قۇپيا قۇجاتتاردى تاراتۋ بويىنشا قىلمىستىق ءىس قوزعالدى
جوعارى لاۋازىمدى شەنەۋنىك تىڭشىلىق دەرەكتەر جاريا بولعالى ءبىرىنشى رەت بريفينگ بەردى. ول قۇپيا قۇجاتتاردى الەۋمەتتىك جەلىگە كىم جۇكتەگەنى تابىلمايىنشا تەرگەۋ توقتامايتىنىن ايتتى. ا ق ش ادىلەت مينيسترلىگى وسى ءىس بويىنشا قىلمىستىق ءىس قوزعادى، دەپ حابارلايدى «حابار 24».
قورعانىس ءمينيسترى للويد وستين امەريكا قۇراما شتاتتارىنىڭ بارلاۋ قىزمەتىنە قاتىستى قۇپيا قۇجاتتاردى كىمنىڭ قانداي ماقساتتا تاراتقانى تەرگەلىپ جاتقانىن ايتتى. «قۇپيا» جانە «اسا قۇپيا» ساناتىنا جاتاتىن 50-دەن استام قۇجات ناۋرىز ايىندا ءتۇرلى الەۋمەتتىك جەلىدە جاريا بولعان. وندا رەسەي مەن ۋكراينا اسكەرىنىڭ سانى، قارۋ- جاراق پەن ساربازداردى جەتكىزۋ كەستەسى ءتارىزدى قۇندى اقپارات پەن باسقا دا اسكەري مالىمەتتەر بار. ءتىپتى رەسەيدىڭ كۇشتى جانە وسال تۇستارى تۋرالى دا جان- جاقتى ساراپتالعان. قۇجات تۇپنۇسقا بولسا، ا ق ش- تىڭ قارسىلاستارى ودان وزىنە قاجەتتى مالىمەتتەرگە قول جەتكىزدى دەگەن ءسوز. كوپشىلىككە ارنالماعان جاسىرىن دەرەكتەردىڭ جاھانعا جاريا بولۋى ا ق ش بەدەلىنە نۇقسان دا كەلتىرۋى مۇمكىن.
للويد وستين، ا ق ش قورعانىس ءمينيسترى:
- ءبىز بۇل جاعدايعا وتە ۇلكەن نازار اۋدارىپ وتىرعانىمىزدى ايتقىم كەلەدى. سوندىقتان تەرگەۋ ەگجەي- تەگجەي جۇرەدى. ءبىز ءاربىر تاستىڭ استىن اقتارىپ، ونى كىم ىستەگەنىن، قانداي ماقساتتا جاريالاعىنىن انىقتايمىز.
پەنتاگون باسشىسى قۇجاتتاردىڭ 28 -اقپان مەن 1 -ناۋرىز ارالىعىندا جاريالانعانىن بىلگەن. قازىر تەرگەۋشىلەر جاسىرىن ماتەريالداردى تاراتۋعا كىمدەر مۇددەلى بولعانىن انىقتاۋعا كىرىستى. دەرەكەردىڭ جاريالانۋى 2013 -جىلعى WikiLeaks سايتىندا مىڭداعان قۇجاتتار جانجالىنان كەيىن ا ق ش بيلىگىنە كەسىرى تيەتىن وقيعا بولۋى مۇمكىن. اشىلىپ قالعان قۇجاتتا باتىس ەلدەرىنىڭ بىرىنە تيەسىلى ارنايى جاساقتار ۋكراينادا جۇرگەنى جازىلعان. كەيبىر ۇلتتىق قاۋىپسىزدىك ساراپشىلارى مەن شەنەۋنىكتەر قۇجاتتاردا قامتىلعان تاقىرىپتاردىڭ كەڭدىگىن ەسكەرە وتىرىپ، ونى ا ق ش ازاماتتارى تاراتۋى مۇمكىن دەپ كۇدىكتە
نەدى. توماس ريد، دج. حوپكينس ۋنيۆەرسيتەتىنىڭ پروفەسسورى:
- سوڭعى 13 جىلدا ءبىز كوپتەگەن بارلاۋ اقپاراتتارىنىڭ تارالىپ كەتكەنىن كورىپ وتىرمىز. دەمەك ا ق ش- تىڭ بارلاۋ قىزمەتى ءوز جۇمىسىن تارتىپكە كەلتىرۋى كەرەك دەگەن ءسوز. بۇل جاقسىلىقتىڭ نىشانى ەمەس. ەشبىر ەل مۇنداي اۋقىمدا مالىمەتتەردى جاريا قىلىپ وتىرا المايدى. مىسالى، ۇلى بريتانيادا وسىنداي جايتتىڭ قايتا- قايتا بولاتىنىن ەلەستەتىپ كورىڭىز. ا ق ش وسى ۋاقىتقا دەيىن ۇلىبريتانيامەن بارلاۋ الماسۋدى توقتاتاتىن ەدى.
سوڭعى 100 جىلدا ا ق ش- تىڭ بارلاۋ قىزمەتىنە قاتىستى قۇپيا قۇجاتتار 4 رەت اشكەرە بولدى. بۇل جولى بەسىنشى مارتە اشىلىپ قالدى. ساراپشىلار مەن زەينەتتەگى بۇرىنعى بارلاۋ قىزمەتكەرلەرى وسىنشاما كولەمدەگى اقپاراتتارىڭ جاريا بولۋى وتە ىڭعايسىز جاعداي دەپ باعالايدى. ءتىپتى وسى عاسىرداعى اشىلىپ قالعان ەڭ اۋقىمدى جاسىرىن اقپاراتتىڭ ءبىرى دەپ وتىر.
