سمايىلوۆ ۇلىتاۋ ءوڭىرىن دامىتۋعا قاتىستى: ۇكىمەتكە قاتىستى ماسەلەلەردى شەشەمىز

استانا. قازاقپارات - پرەمەر- مينيستر ءاليحان سمايىلوۆ ۇلىتاۋ وبلىسىنا ساپارى كەزىندە اكىمدىككە ءوڭىردىڭ سالىق بازاسىن نىعايتۋدى تاپسىردى، دەپ حابارلايدى قازاقپارات ءتىلشىسى.

«ۇلىتاۋ وبلىسى دەربەس قۇرىلۋىنا بايلانىستى الدارىڭىزدا ۇلكەن مىندەت تۇر. بۇل - ونەركاسىپتى، يندۋستريانى جانە ءوڭىردىڭ مەنشىكتى سالىق بازاسىن دامىتۋ. ويتكەنى ءوڭىردىڭ ءارى قاراي الەۋمەتتىك- ەكونوميكالىق دامۋى ءۇشىن سىزدەرگە اقشا كەرەك، بيۋدجەت كەرەك. سوندىقتان ينۆەستورلاردىڭ جوبالاردى ىسكە اسىرۋىنا قولداۋ كورسەتۋ وتە ماڭىزدى»، - دەدى ۇكىمەت باسشىسى.

سونداي- اق ول ءوڭىردى دامىتۋ جولىندا ۇكىمەتكە بايلانىستى ماسەلەلەردى شەشۋگە ۋادە بەردى.

«ۇكىمەتكە بايلانىستى ماسەلەلەردى ءبىز شەشەمىز. ناقتى ايتساق، گاز كەرەك بولسا، بەرەمىز. كەن بارلاۋعا رۇقسا كەرەك پە، بەرەمىز. ينۆەستيتسيالىق جوبالاردىڭ سانىن ارتتىرۋ كەرەك. كاسىپكەرلەردىڭ باستامالارىن بارىنشا ەسكەرۋ قاجەت. سول ارقىلى ولاردى ءوڭىر ەكونوميكاسىنا اقشا سالۋعا ىنتالاندىرۋ ماڭىزدى. ءوڭىردىڭ دامۋ ديناميكاسى وسىعان بايلانىستى بولادى»، - دەدى ءاليحان سمايىلوۆ.

ايتا كەتەيىك، ۇكىمەت باسشىسى وڭىرگە ساپارى بارىسىندا بيىل جەزقازعان- قىزىلوردا جولىنىڭ 65 شاقىرىمىن پايدالانۋعا بەرۋ كوزدەلگەنىن ايتتى.