11:07, 14 - ءساۋىر 2023 | GMT +5
استانادا ازەربايجان پرەزيدەنتىنىڭ كوزىنشە ەگىلگەن كوشەتتەر نەلىكتەن قايتا الىندى
استانا. قازاقپارات - استانا قالاسى ەسىل اۋدانى اكىمىنىڭ ورىنباسارى دارمەنيار قىدىربەك ۇلى گەيدار اليەۆ كوشەسىنىڭ بويىنا ازەربايجان پرەزيدەنتى كەلگەن كەزدە ەگىلگەن شىرشانىڭ نەگە قايتا قازىلعانىن ءتۇسىندىردى، دەپ حابارلايدى قازاقپارات ءتىلشىسى.
اكىمدىك وكىلىنىڭ ايتۋىنشا، شىرشا كوشەتتەرىنىڭ قايتا قازىلعانى راس. ءبىراق ول شىرشالاردىڭ ورنىنا باسقا اعاش ەگىلگەن. مۇنداي كەڭەستى ولارعا اگرونومدار بەرسە كەرەك.
«ازەربايجان رەسپۋبليكاسى پرەزيدەنتىنىڭ رەسمي ساپارى اياسىندا گەيدار اليەۆ كوشەسى سالتاناتتى تۇردە اشىلعان بولاتىن. بۇقار جىراۋ كوشەسىنىڭ گەيدار اليەۆ كوشەسىمەن قيىلىسقان تۇسىندا بەس شىرشا وتىرعىزىلدى.
كەيىن اگرونومدار بىزگە بۇل شىرشالاردى قىلقان جاپىراقتى اعاشتاردىڭ وسۋىنە الدەقايدا قولايلى ورىنعا - بوتانيكالىق باقتاعى ازەربايجان پرەزيدەنتى ءوز قولىمەن ەككەن اعاشتان 100 مەتر جەرگە اۋىستىرىلدى.
ال ولاردىڭ ورنىنا جوكە مەن ارشا ەگىلدى. ويتكەنى جوكە ماگيسترالدىك جولدىڭ بويىندا جاقسى وسەدى جانە ەستەتيكالىق كورىنىسكە ءسان قوسادى»، - دەدى دارمەنيار قىدىربەك ۇلى.
ەسىمجان ناقتىباي
