ق ر ۇكىمەتى ورتا بيزنەستى قولداۋدىڭ كەشەندى باعدارلاماسىن ازىرلەيدى

استانا. قازاقپارات - پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە ورتالىق مەملەكەتتىك ورگانداردىڭ جانە «اتامەكەن» ۇ ك پ باسشىلىعىنىڭ قاتىسۋىمەن ورتا كاسىپكەرلىكتى دامىتۋدىڭ جاڭا تاسىلدەرى قارالدى.

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.

ۇلتتىق ەكونوميكا ءبىرىنشى ۆيتسە- ءمينيسترى تيمۋر جاقسىلىقوۆ 2023 -جىلعى 1-ناۋرىزداعى جاعداي بويىنشا رەسپۋبليكادا 2910 ورتا كاسىپكەرلىك سۋبەكتىسى بار ەكەنىن باياندادى، ولاردىڭ ج ءى ءو-دەگى ۇلەسى - %6,3. بۇل كاسىپورىنداردا شامامەن 380 مىڭ ادام جۇمىسپەن قامتىلعان.

VIII سايلانعان پارلامەنتتىڭ ءبىرىنشى سەسسياسىنىڭ اشىلۋىندا مەملەكەت باسشىسى الداعى جىلدارى ورتا بيزنەستىڭ باسەكەگە قابىلەتتىلىگىن ارتتىرۋ مىندەتىن قويدى. وسىعان بايلانىستى ق ر ۇ ە م مەملەكەتتىك ساتىپ الۋ سالاسىن قوسقاندا، ورتا كاسىپكەرلىككە قاتىستى رەتتەۋ راسىمدەرىن جەڭىلدەتۋ، سالىق تولەۋگە ىنتالاندىرۋ، ينۆەستيسيالىق بەلسەندىلىكتى ارتتىرۋ، اكىمشىلىك جۇكتەمەنى ازايتۋ جانە ورتا كاسىپكەرلىكتى قولداۋدى كەڭەيتۋ جونىندە شارالار ۇسىندى.

پرەمەر-مينيستر نەگىزىنەن اتالعان تاسىلدەردى ماقۇلداپ، جاڭا باستامالاردى ازىرلەۋ پروتسەسىنە بيزنەس- قوعامداستىقتى بەلسەندى تۇردە تارتۋدىڭ ماڭىزىن اتاپ ءوتتى.

ءبىز بۇل ۇسىنىستار بويىنشا، ءبىرىنشى كەزەكتە بيزنەستىڭ ۇسىنىستارىن ەسكەرە وتىرىپ، جاقسىلاپ جۇمىس ىستەۋىمىز كەرەك. ولاردى مۇقيات زەردەلەپ، زاڭناماعا، سونداي-اق مەملەكەتتىك ورگانداردىڭ سالالىق باعدارلامالارىنا ءتيىستى وزگەرىستەر ەنگىزۋ قاجەت، - دەدى ءاليحان سمايىلوۆ.

يندۋستريا جانە ينفراقۇرىلىمدىق دامۋ ءمينيسترى مۇرات قارابايەۆتىڭ مالىمەتىنشە، بۇگىندە وڭدەۋ ونەركاسىبى سالاسىندا 501 ورتا بيزنەس كاسىپورنى جۇمىس ىستەيدى. شاعىن ونەركاسىپ ايماقتارىن ىسكە قوسۋ، وتاندىق ينجەنەرلىك-تەحنيكالىق قىزمەتكەرلەردىڭ شەتەلدىك زاۋىتتاردا تاعىلىمدامادان ءوتۋىن قامتاماسىز ەتۋ، بازالىق شيكىزاتتى تەرەڭ وڭدەۋدى جانداندىرۋ جانە وزگە دە شارالار ارقىلى وسى كاسىپورىنداردى دامىتۋ مەن جاڭا جوبالاردى جۇزەگە اسىرۋ ۇسىنىلادى.

قازاقستاندا قۇنى 10 تريلليون تەڭگەدەن استام تاۋارلار مەن جۇمىس جانە قىزمەت تۇرلەرىن لوكاليزاتسيالاۋ الەۋەتى بار، ولاردىڭ ءبىر بولىگىن ورتا بيزنەس كاسىپورىندارى يەگەرە الادى. بۇل باعىتقا سەرپىن بەرۋ ءۇشىن وتاندىق ونىمدەرگە تاپسىرىس بەرۋشىلەردىڭ تىزبەسىن كەڭەيتۋ، سونداي-اق جۇيە قۇراۋشى جانە كۆازيمەملەكەتتىك كومپانيالارمەن ۇزاق مەرزىمگە وفتەيك- كەلىسىمشارتتار بەكىتۋ تەتىكتەرىن دامىتۋ جوسپارلانىپ وتىر.

كەڭەستە ءسوز العان «اتامەكەن» ۇ ك پ ءتورالقا ءتوراعاسى رايىمبەك باتالوۆ ينۆەستيتسيالىق جوبالارعا سيفرلىق مونيتورينگ جۇرگىزۋ مۇمكىندىكتەرىمەن تانىستىرىپ، وڭىرلەردى دامىتۋداعى باسىم سالالاردى مەملەكەتتىك قولداۋ شارالارىن كۇشەيتۋدىڭ ارتىقشىلىقتارىنا توقتالدى. سونىمەن قاتار بيۋدجەتتەن قارجىلاندىرىلاتىن اۋقىمدى جوبالاردى ىسكە اسىرۋعا وتاندىق كاسىپكەرلەردى بەلسەندى تۇردە تارتۋ قاجەتتىگىن اتاپ ءوتتى.

تالقىلاۋدى قورىتىندىلاي كەلە، پرەمەر-مينيستر مەملەكەت باسشىسىنىڭ تاپسىرمالارى اياسىندا ورتا كاسىپكەرلىكتى دامىتۋ ماسەلەسىنە ەرەكشە ءمان بەرەتىن ۋاقىت كەلگەنىن اتاپ ءوتتى.

ورتا بيزنەستى نىعايتۋ ءۇشىن بارلىق باعىت، اتاپ ايتقاندا، سالىق بويىنشا، اكىمشىلىك جانە باسقا دا ىنتالاندىرۋ قۇرالدارىن قاراستىرۋىمىز كەرەك. بۇل جۇمىسپەن قامتىلعاندار قاتارىن ارتتىرۋعا جانە كاسىپورىندار قىزمەتكەرلەرىن الەۋمەتتىك تۇرعىدان قورعاۋعا، اشىقتىقتى كەڭەيتۋگە جانە جالپى ەكونوميكامىزدى دامىتۋعا جانە ءارتاراپتاندىرۋعا ىقپال ەتەتىن بولادى، - دەدى ءاليحان سمايىلوۆ.

سونىمەن قاتار ۇكىمەت باسشىسى تامىز ايىنىڭ سوڭىنا دەيىن ورتا بيزنەستى قولداۋدىڭ كەشەندى باعدارلاماسىن ازىرلەۋدى اياقتاپ، ونى شاعىن جانە ورتا كاسىپكەرلىكتى دامىتۋدىڭ 2030 -جىلعا دەيىنگى تۇجىرىمداماسىنا بىرىكتىرۋ مۇمكىندىگىن قاراستىرۋ قاجەتتىگىن اتاپ وتكەن بولاتىن.

قۇجات بيزنەستىڭ بارلىق سۇرانىسىن قاناعاتتاندىرۋى كەرەك. بۇل جۇمىسقا بيزنەستىڭ ءوزىن، ساراپشىلار قاۋىمداستىعىن، پارلامەنت دەپۋتاتتارىن، سونداي-اق جەرگىلىكتى اتقارۋشى ورگاندار مەن پرەزيدەنت اكىمشىلىگىنىڭ وكىلدەرىن بەلسەندى تۇردە تارتۋ قاجەت. وسى ورايدا، ورتا كاسىپكەرلىكتى ساپالى دامىتۋ ءۇشىن جاڭا تاسىلدەردى بىرلەسىپ ازىرلەۋ، باسىمدىقتاردى بەلگىلەۋ ماڭىزدى، - دەپ تۇيىندەدى پرەمەر-مينيستر.