قازاقستاننىڭ بارلىق ايماعىندا اۋا رايى بۇزىلادى - قازگيدرومەت

استانا. قازاقپارات - بۇگىن قازاقستاننىڭ بارلىق ايماعىندا اۋا رايى بۇزىلادى، دەپ حابارلايدى قازاقپارات قازگيدرومەتتىڭ بولجامىنا سۇيەنىپ.

«قارا تەڭىز اۋداندارىنان بەلسەندى سيكلون ەل اۋا رايىن ىقپال ەتەتىن بولادى - جاڭبىر جاۋادى، سولتۇستىكتە، سولتۇستىك- باتىستا، ورتالىقتا قارعا اۋىساتىن جاڭبىر كۇتىلەدى. رەسپۋبليكا بويىنشا جەلدىڭ كۇشەيۋى، تۇمان، سولتۇستىكتە، سولتۇستىك- باتىستا - كوكتايعاق، جاياۋ بۇرقاسىن، وڭتۇستىكتە - شاڭدى داۋىل، نايزاعاي، باتىستا، ورتالىقتا - نايزاعاي، بۇرشاق كۇتىلەدى.

اقمولا وبلىسىنىڭ سولتۇستىك- باتىسىندا، وڭتۇستىگىندە، قوستاناي وبلىسىنىڭ ورتالىعىندا، وڭتۇستىگىندە، شىعىسىندا، كۇندىز اقتوبە وبلىسىنىڭ باتىسىندا، سولتۇستىگىندە قاتتى جاۋىن- شاشىن (جاڭبىر، قار) جاۋادى.

كۇندىز باتىس قازاقستان وبلىسىنىڭ سولتۇستىگىندە، شىعىسىندا، اتىراۋ وبلىسىنىڭ سولتۇستىگىندە قاتتى جاڭبىر جاۋادى»، - دەپ جازدى سينوپتيكتەر.