جامبىل وبلىسىنىڭ اكىمدىگى قىمبات تۇرمىستىق تەحنيكالارعا نە ءۇشىن تاپسىرىس بەردى
دۇكەننەن قولحات جازىپ، قارىزعا تەلەفون العان شەنەۋنىك ونىڭ اقشاسىن ءبىر ايدا وتەۋگە ۋادە بەرگەن. الايدا، سودان بەرى التى اي بويى ساتۋشىنى كۇندە «ەرتەڭ» دەپ، الداپ كەلگەن. بايلانىس ءۇزىپ، تەلەفون قوڭىراۋىنا جاۋاپ بەرمەگەن سوڭ، ساۋدا دۇكەنىنىڭ باسشىسى تاراز قالاسى اكىمىنىڭ اتىنا ارىزبەن شىققان.
ال، قىمبات سمارتفون كىمگە الىنعانىن بىلمەك بولىپ، ءبولىم باسشىسىنا حابارلاسقانىمىزدا «كىمگە العانىمدى ايتا المايمىن. الۋ كەرەك بولدى، الدىم. ەكى ورتادا مەن ىڭعايسىز جاعدايدا قالدىم»، - دەي كەلە، تەلەفوننىڭ قارىزىن تولەپ قۇتىلعانىن ايتتى. بۇدان بولەك، وبلىستىق اكىمدىك مەملەكەتتىك تاپسىرىسپەن قۇنى 1 ميلليون تەڭگە شاماسىندا تۇراتىن اس ءۇي پەشىنە، 2 ميلليون تەڭگە بولاتىن 5 دانا پلانشەتكە، 4 ميلليون تەڭگەلىك تەلەديدارعا تاپسىرىس بەرگەن. بۇل مالىمەتتەردى قوعام بەلسەندىسى، بلوگەر يسلامبەك داستان مەملەكەتتىك تاپسىرىس سايتىنان الىپ، ءوزىنىڭ فەيسبۋك الەۋمەتتىك پاراقشاسىندا جاريالاعان بولاتىن. قوعامنىڭ قىزۋ تالقىسىنا تۇسكەن اقپاراتتاردىڭ انىق- قانىعىن بىلمەك بولىپ، جامبىل وبلىسى اكىمىنىڭ باسپا ءسوز حاتشىسى دانيار اسقار ۇلىنا حابارلاستىق.
«وبلىستىق اكىمدىكتە 150-گە جۋىق قىزمەتكەر ەڭبەك ەتەدى. كوپ جاعدايدا ۇيلەرىنە بارىپ تۇستەنۋگە ۋاقىت تاپشى بولىپ جاتادى. وسىندا اسحانامىز بار. قازىر تاپسىرىس بەرىلگەن تۇرمىستىق تەحنيكالاردىڭ ىشىندە گاز پليتانىڭ جەڭىمپازى انىقتالعان. ال، پلانشەت - وبلىس اكىمىنىڭ جۇمىسىن ناسيحاتتاۋىمىز ءۇشىن جۇمىس بارىسىندا تۋعان قاجەتتىلىك»، - دەپ جاۋاپ بەردى وبلىس اكىمىنىڭ باسپا ءسوز حاتشىسى.
