پرەزيدەنت «اتامەكەن» ۇ ك پ پرەزيديۋمىنىڭ ءتوراعاسى رايىمبەك باتالوۆتى قابىلدادى

استانا. قازاقپارات - پرەزيدەنت «اتامەكەن» ۇ ك پ پرەزيديۋمىنىڭ ءتوراعاسى رايىمبەك باتالوۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

مەملەكەت باسشىسىنا شاعىن جانە ورتا بيزنەستى دامىتۋ تاسىلدەرىن جەتىلدىرۋ، وتاندىق كاسىپكەرلىكتىڭ ماسەلەلەرىن شەشۋ جونىندەگى پالاتانىڭ قىزمەتى تۋرالى مالىمەت بەرىلدى.

كەزدەسۋدە ەلىمىزدەگى كاسىپكەرلىكتى دامىتۋدىڭ نەگىزگى باعىتتارىنا ەرەكشە نازار اۋدارىلدى. رايىمبەك باتالوۆ شاعىن جانە ورتا بيزنەستى قولداۋدىڭ ءبىرىڭعاي كەشەندى باعدارلاماسىن ازىرلەۋدىڭ ماڭىزدى ەكەنىن اتاپ ءوتتى. ونىڭ ايتۋىنشا، باعدارلامادا وتاندىق ينۆەستيتسيانى ىنتالاندىرۋ ءۇشىن ورتا بيزنەستى دامىتۋعا باسا ءمان بەرىلۋى قاجەت.

كەزدەسۋ سوڭىندا قاسىم- جومارت توقايەۆ ستراتەگيالىق شەشىمدەر قابىلداۋ بارىسىندا بيزنەستىڭ ۇستانىمىن ەسكەرۋ ماڭىزدى ەكەنىن ايتتى.