ەندى ءبىلىم گرانتىن بولۋدە تالاپكەردىڭ ۇ ب ت ناتيجەسى، الەۋمەتتىك مارتەبەسى مەن جەتىستىگى ەسكەرىلەدى

استانا. قازاقپارات - تالاپكەرلەرگە وقۋ گرانتتارى سارالانعان جۇيە بويىنشا بەرىلۋى مۇمكىن.

«اشىق» ن ق ا پورتالىندا جاريالانعان عىلىم جانە جوعارى ءبىلىم ءمينيسترىنىڭ بۇيرىعىندا وسىلاي جازىلعان، دەپ حابارلايدى قازاقپارات ءتىلشىسى.

مينيسترلىك گرانتتاردى سارالانعان تارتىپپەن بەرۋ جوباسىن ازىرلەگەن. وعان سايكەس، جالپى ءبىلىم بەرۋ تاپسىرىسىنداعى گرانتتار «بازالىق»، «دارىن» جانە «قامقور» بولىپ بولىنەدى.

سارالانعان گرانت تۇرلەرى مىناداي اراقاتىناستا بەرىلەدى:

- بازالىق گرانتتاردىڭ جالپى سانى - مەملەكەتتىك ءبىلىم بەرۋ تاپسىرىسى كولەمىنىڭ كەمىندە 50 پايىز؛

- «دارىن» گرانتتارىنىڭ جالپى سانى - مەملەكەتتىك ءبىلىم بەرۋ تاپسىرىسى كولەمىنىڭ 10 پايىزىنان اسپايدى؛

- «قامقور» گرانتتارىنىڭ جالپى سانى - مەملەكەتتىك ءبىلىم بەرۋ تاپسىرىسى كولەمىنىڭ كەمىندە 30 پايىزىن قۇرايدى.

بۇل رەتتە مينيسترلىك ەنگىزىلگەلى وتىرعان سارالانعان ءبىلىم بەرۋ گرانتىنا قاتىستى تۇسىنىكتەمە بەرگەن.

قۇجات 21- ساۋىرگە دەيىن كوپشىلىك تالقىلاۋدا بولادى.