پويىزعا بيلەت الۋدىڭ ىڭعايلى جولدارى ايتىلدى

استانا. قازاقپارات - پويىز - قازاقستان بويىنشا ساپارلاۋ ءۇشىن ەڭ قولجەتىمدى نۇسقا.

Aviata.kz سەرۆيسىندە بيلەت تاڭداپ ونى ساتىپ الۋعا نەبارى بىرنەشە مينۋت كەتەدى. سەرۆيس كومانداسى قوسىمشا مەن سايت قولدانۋشىلارىنا قانداي جاڭا فۋنكسيالار پايدالى بولاتىنى تۋرالى ايتتى.

اۆياتادا ۆاگوندار سىزباسى كورسەتىلەدى جانە ورىندى سول جەردەن تاڭداۋعا بولادى. ال ەندى ايقىندالۋ ءۇشىن ورىندار تۇستەرگە بويالادى: كوك - استىڭعى قولجەتىمدى ورىندار، جاسىل - جوعارعى بوس ورىندار. بوس ەمەس ورىندار سۇر تۇسكە بويالادى. سونداي-اق مۇمكىندىگى شەكتەۋلى جولاۋشىلارعا ارنالعان ورىندار دا بولەك بەلگىلەنىپ تۇرادى.

. بيلەت تاڭداۋ كەزىندە ەندى پويىز جانە ۆاگون جايلى پىكىرلەردى وقۋعا جانە جولاۋشىلار تۇسىرگەن سۋرەتتەردى كورۋگە بولادى. ساپار اياقتالعاندا باسقالارعا تاڭداۋ جاساۋ جەڭىل بولسىن دەسەڭىز، ءوز پىكىرىڭىزدى قالدىرساڭىز بولادى.

.ەگەر قاجەتتى پويىزدا ورىن بولماعان جاعدايدا ورىن پايدا بولىسىمەن سىزگە حابارلاما كەلەتىندەي ىستەپ قويۋعا بولادى. بىرەۋ بيلەتىن قايتارعان جاعدايدا نەمەسە قوسىمشا ورىندار اشىلۋى مۇمكىن، سونداي كەزدە تەلەفونعا حابارلاما كەلەدى.

.ەگەر جولاۋشى ءوز ساپارىن 45 كۇننەن ارتىق جوسپارلاسا جانە قاجەتتى كۇنگە ساتىلىمدار ءالى اشىلماعان بولسا، اۆياتا ساتىلىمنىڭ اشىلۋىن جىبەرىپ الماۋ ءۇشىن ساتىلىمنىڭ اشىلۋى تۋرالى حابارلاماعا جازىلۋعا بولادى.

ەندى ساپاردى باسقارۋ ودان دا ىڭعايلى. اۆياتادان كەپىلدەندىرىلگەن قايتارۋ قىزمەتىن پايدالانۋعا بولادى. ت/ج بيلەتى قۇنىنىڭ 10 پايىزىن قوسىمشا تولەگەن جاعدايدا، بيلەتتى قايتارعان جاعدايدا سەرۆيس بيلەت قۇنىنىڭ 100 پايىزىن كەرى قايتارۋعا كەپىلدىك بەرەدى. وسىلايشا ءسىز جوسپارلاردى كەز كەلگەن ۋاقىتتا وزگەرتە الاسىز جانە تولەنگەن سومانى جوعالتۋ مۇمكىندىگى تۋرالى الاڭدامايسىز.

ناتيجەسىندە اۆياتا پايدالانۋشىلارى ءوز ساپارلارىن اۆتونومدى، جىلدام جانە وڭاي باسقارۋعا مۇمكىندىك الادى.