تايلاندتا تۋريسكە تالاسقانداردىڭ ۆيدەوسى جاريالاندى
The Thaiger مالىمەتىنشە، وقيعا كو لان ارالىندا بولعان. جەرگىلىكتى تۇرعىننىڭ ايتۋىنشا، وعان 10 نان اسا ادام جابىلعان.
«توبەلەس تۇسىرىلگەن ۆيدەونى سوعان قاتىسقان ادامداردىڭ ءبىرى جاريالاعان، 31 جاستاعى كونگكوت ەسىمدى ەر ادام اۋىر جاراقات العان. شابۋىلدىڭ سەبەبى - باسەكەلەستىك»، - دەپ جازادى دەرەككوز.
كونگكوت بالي حاي پيرسىندا جۇمىس ىستەيدى. بۇل تۋريستەر اراسىندا تانىمال مەكەن، ساياحاتشىلار مۇندا كۇن باتقاندا سۋرەتكە ءتۇسىپ نەمەسە كاتەردا سەرۋەندەيدى.
«زارداپ شەككەن ەر ادام كاتەرمەن تۋريستەردى تاسىمالدايتىن بولعان: ول قاتتى جىلدامدىقپەن جۇرەتىن قايىقتارمەن تۋريستەردى 250 باتقا (شامامەن 3200 تەڭگە) تاسىمالدايدى. ءوزارا كەلىسىم بويىنشا بارلىق قىزمەت كورسەتۋشىلەر ءبىر باعانى ۇستانادى.
الايدا، كونگكوتتىڭ ايتۋىنشا، ولاردىڭ كەلىسىمىنە جەرگىلىكتى مافيا ارالاسقان. ولار تەڭىزدە سەرۋەندەۋ قۇنىن 200 باتقا ءتۇسىرىپ (2581 تەڭگە)، بۇرىن كەلىسىپ قويعان تۋريستەردى وپەراتورلاردان الىپ كەتپەك بولعان. قاسكويلەر باسەكەلەستەرىن قورقىتىپ، زورلىق-زومبىلىققا دەيىن باراتىن بولعان»، - دەپ جازادى باسىلىم.
«ولار زاڭنان جانە بيلىكتەن قورىقپايدى. بىرنەشە شابۋىل جاسالعانىنا قاراماستان، ولاردىڭ قاماپ جاتقان ەشكىم جوق»، - دەيدى ۆيدەو اۆتورى.
ۆيدەودا جەرگىلىكتى تۇرعىندار شابۋىلداعانداردى توقتاتپاق بولادى، الايدا بۇزاقىلار ەر ادامدى تۋريستەردىڭ كوزىنشە ساباۋىن جالعاستىرا بەرگەن.
كونگكوت اقپارات اگەنتتىكتەرىنە شىعىپ، ءوز وقيعاسىن شىعارۋدى وتىنگەن. ول قالايدا تەرگەۋ شارالارى باستالعانىن قالايدى.
ستاتيستيكاعا سايكەس، تايلاند ءبىزدىڭ وتانداستارىمىزدىڭ اراسىندا تانىمال باعىتتاردىڭ ءبىرى: 2022 -جىلى بۇل ەلدە 45745 قازاقستاندىق دەمالعان.
