كاسپي تابانىنا تالشىقتى-وپتيكلىق جەلى توسەۋ ۋاقتىلى اياقتالۋى ءتيىس - پرەزيدەنت
بۇل تۋرالى ازەربايجان پرەزيدەنتى يلحام اليەۆپەن كەلىسسوزدەردەن كەيىنگى ب ا ق وكىلدەرىنە ارنالعان بريفينگىدە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«اقپاراتتىق تەحنولوگيالار سالاسىندا كووپەراتسيانى كۇشەيتۋدىڭ كەلەشەگى بار ەكەندىگى ايقىندالدى. قازىرگى ۋاقىتتا كاسپي تابانىندا بايلانىستىڭ تالشىقتى-وپتيكالىق جەلىسىن توسەۋ جۇمىسى قارقىندى جۇرگىزىلىپ جاتىر. بۇل جوبانىڭ ستراتەگيالىق ماڭىزىن ەسكەرە وتىرىپ، ونى ۋاقتىلى ىسكە قوسۋدى قامتاماسىز ەتۋدى تاپسىردىق. بۇعان قوسا، ازەربايجاندىق سەرىكتەستەردى مەملەكەتتىك قىزمەتتەردى سيفرلاندىرۋ سالاسىنداعى بىرلەسكەن جوبالاردى جۇزەگە اسىرۋعا، قازاقستاندىق IT- ستارتاپتار الاڭدارىن پايدالانۋعا شاقىردىق»، - دەدى پرەزيدەنت.
مەملەكەت باسشىسى ازەربايجاندىق دەلەگاتسيا قارجى جانە زاماناۋي تەحنولوگيالار سالاسىنداعى ءوزارا ءىس-قيمىل ءۇشىن جاقسى پلاتفورما بولا الاتىن استانا حالىقارالىق قارجى ورتالىعىنا باراتىندىعىن ايتتى.
