22:10, 05 - ءساۋىر 2023 | GMT +5
فرانسيا پرەزيدەنتى مەن ەۋروپالىق كوميسسيا باسشىسى قىتايعا بارادى
بريۋسسەل. قازاقپارات - فرانسيا پرەزيدەنتى ەممانيۋەل ماكرون مەن ەۋروپالىق كوميسسيا پرەزيدەنتى ۋرسۋلا فون دەر ليايەن قىتاي حالىق رەسپۋبليكاسىنا بارادى، دەپ حابارلايدى قازاقپارات مەنشىكتى ءتىلشىسى.
پرەزيدەنت ە. ماكرون سارسەنبىدە بەيجىڭگە ءۇش كۇندىك مەملەكەتتىك ساپارمەن باردى.
ءبىرىنشى كۇنى ول بەيجىڭدەگى فرانسيا ەلشىلىگىندە قىتايداعى فرانسۋز قاۋىمداستىعىنا ۇندەۋ جاسادى. ونىڭ جولداۋىنىڭ ءمانى: شىعىس پەن باتىس اراسىنداعى شيەلەنىس ۇنەمى ارتىپ كەلە جاتقان الەمدە ەۋروپا ءوزىن قىتايدان وقشاۋلاي المايدى. فرانسيا باسشىسى قىتايمەن ديالوگ جۇرگىزۋ قاجەت دەپ سانايدى.
بەيسەنبىدە ە. ماكرون مەن ەۋروكوميسسيا باسشىسى ۋ. ليايەن ق ح ر ءتوراعاسى شي جينپيڭمەن كەزدەسۋ وتكىزەدى.
بۇگىن فرانسۋز كوشباسشىسى فرانسۋز مۋزىكانتى جان-ميشەل دجاررمەن جانە رەجيسسەر جان-جاك اننومەن بىرگە قىتايداعى ەڭ ءىرى شەتەلدىك فەستيۆال سانالاتىن «Croisements» - ءتىڭ اشىلۋىنا قاتىسادى.
