ا ق ش اسكەرلەرى سيرياداعى لاڭكەستىك ۇيىم باسشىلارىنىڭ كوزىن جويدى

اممان. قازاقپارات - امەريكا اسكەرى ەۋروپاداعى لاڭكەستىك ارەكەتتەردى جوسپارلاۋعا جاۋاپتى سيرياداعى «يسلام رەسپۋبليكاسى» توبىنىڭ (قازاقستاندا تىيىم سالىنعان - اۆت.) جوعارى شەندى باسشىلارىنىڭ كوزىن جويعانىن مالىمدەدى، دەپ حابارلايدى قازاقپارات ءتىلشىسى CENTCOM- عا سىلتەمە جاساپ.

ا ق ش ورتالىق قولباسشىلىعى (CENTCOM) سەيسەنبى كۇنگى مالىمدەمەسىندە توپتىڭ ولتىرىلگەن مۇشەسىنىڭ ەسىمىن حابارلادى. ول قارۋلى توپتىڭ ەۋروپاداعى ي ر شابۋىلدارىن جوسپارلاۋعا جاۋاپتى بولىپ، باسشىلىقتىڭ قۇرىلىمىن جاساعان حاليد ايدد احماد ال-دجابۋري بولىپ شىقتى.

«توپ السىرەپ قالعانىنا قاراماستان، ول بۇرىنعىشا تاياۋ شىعىستان تىس جەرلەردە شابۋىل جاساۋ وپەراتسيالارىن وتكىزۋگە قابىلەتتى. ونىڭ ءولىمى سىرتتاعى شابۋىلداردى جوسپارلاۋ مۇمكىندىگىن جويادى»، دەلىنگەن مالىمدەمەدە.

وپەراتسيا دۇيسەنبى كۇنى وتكىزىلدى. بەيبىت تۇرعىندار زارداپ شەككەن جوق. قازىرگى ۋاقىتتا «يسلام رەسپۋبليكاسى» توبىنىڭ سانى 5-7 مىڭ ادامعا جەتەدى. ولار نەگىزىنەن سيريا مەن يراكتا تۇرادى، دەپ حابارلادى Reuters ب ۇ ۇ ەسەبىنە سىلتەمە جاساپ.