ۇكىمەتتىڭ جاڭارتىلعان قۇرامىنا قانداي جاڭا ەسىمدەر كىردى

استانا. قازاقپارات - قازاقستاننىڭ ۇكىمەت مۇشەلەرى تولىق جاساقتالىپ بولدى، دەپ حابارلايدى قازاقپارات ءتىلشىسى.

ۇكىمەتتىڭ جاڭارتىلعان قۇرامى ەكى جاڭا ەسىممەن تولىقتى. دەگەنمەن ۇكىمەت باسشىسى اۋىسقان جوق. 30- ناۋرىزدا ءماجىلىس دەپۋتاتتارى پرەمەر-مينيستر لاۋازىمىنا ءاليحان سمايىلوۆتى تاعايىنداۋعا كەلىسىم بەرگەن بولاتىن.

ۇكىمەت اپپاراتىنىڭ باسشىسى دا ورنىندا قالدى. پرەزيدەنت جارلىعىمەن عالىمجان قويشىبايەۆ ۆيتسە-پرەمەر - ۇكىمەت اپپاراتىنىڭ باسشىسى بولدى.

ۇكىمەت مۇشەسى اتانعانداردىڭ ءبىرى - مۇرات نۇرتىلەۋ. ناقتىراق ايتساق، پرەزيدەنت جارلىعىمەن مۇرات نۇرتىلەۋ پرەمەر-ءمينيستردىڭ ورىنباسارى - سىرتقى ىستەر ءمينيسترى بولىپ تاعايىندالدى. وسىلايشا ول بۇعان دەيىن اتقارعان پرەزيدەنت اكىمشىلىگىنىڭ باسشىسى لاۋازىمىنان بوساتىلدى.

مۇرات ءابۋعالي ۇلى 1976-جىلى الماتى قالاسىندا تۋعان.

2014

ەكىنشى جاڭا ەسىم - 2021-جىلدىڭ ناۋرىز ايىنان بەرى «سامۇرىق-قازىنا» ۇلتتىق ءال-اۋقات قورى» ا ق باسقارما ءتوراعاسى قىزمەتىن اتقارىپ كەلگەن الماسادام ساتقاليەۆ. ول ەنەرگەتيكا ءمينيسترى لاۋازىمىنا تاعايىندالدى. ال بۇعان دەيىن وسى قىزمەتتى اتقارعان بولات اقشولاقوۆ پرەزيدەنت كەڭەسشىسى بولدى.

الماسادام مايدان ۇلى 1970-جىلى 31- قازاندا الماتى قالاسىندا دۇنيەگە كەلدى.

ۇكىمەت باسشىسىنىڭ تاعى ءبىر ورىنباسارى - ساۋدا جانە ينتەگراتسيا ءمينيسترى سەرىك جۇمانعارين ءوز قىزمەتىندە قالدى.

التاي كولگىنوۆ تە ۇكىمەت باسشىسىنىڭ ورىنباسارى لاۋازىمىن اتقارا بەرەدى.

مەملەكەت باسشىسىنىڭ جارلىعىمەن ەرۇلان جاماۋبايەۆ تا پرەمەر-ءمينيستردىڭ ورىنباسارى - قارجى ءمينيسترى بولىپ قايتا تاعايىندالدى.

مارات احمەتجانوۆ قازاقستان رەسپۋبليكاسىنىڭ ىشكى ىستەر ءمينيسترى قىزمەتىندە قالدى.

قورعانىس ءمينيسترى دە ءوز ورنىندا قالدى. مەملەكەت باسشىسىنىڭ جارلىعىمەن رۋسلان فاتيح ۇلى جاقسىلىقوۆ قىزمەتىنە قايتا تاعايىندالدى.

الىبەك قۋانتىروۆ ۇلتتىق ەكونوميكا ءمينيسترى لاۋازىمىن قايتا يەلەندى.

اسحات ورالوۆ مادەنيەت جانە سپورت ءمينيسترى قىزمەتىن اتقارا بەرەدى.

ازامات ەسقارايەۆ ادىلەت ءمينيسترى بولىپ قايتا بەكىتىلدى.

تامارا دۇيسەنوۆا دا ەڭبەك جانە حالىقتى الەۋمەتتىك قورعاۋ ءمينيسترى قىزمەتىندە قالدى.

جىل باسىندا عانا يندۋستريا جانە ينفراقۇرىلىمدىق دامۋ ءمينيسترى بولىپ تاعايىندالعان مارات قارابايەۆ تا ءوز ورنىندا قالدى.

اجار عينيات دەنساۋلىق ساقتاۋ ءمينيسترى رەتىندە قايتا تاعايىندالدى.

مەملەكەت باسشىسىنىڭ جارلىعىمەن باعدات باتىربەك ۇلى مۋسين قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى لاۋازىمىنا تاعايىندالدى.

ءزۇلفيا سۇلەيمەنوۆا ەكولوگيا جانە تابيعي رەسۋرستار مينيسترلىگىنىڭ باسشىسى قىزمەتىندە قالدى.

دارحان قىدىرالى دە اقپارات جانە قوعامدىق دامۋ ءمينيسترى قىزمەتىن جالعاستىراتىن بولدى.

يۋري يلين توتەنشە جاعدايلار ءمينيسترى قىزمەتىنە قايتا تاعايىندالدى.

ساياسات نۇربەك عىلىم جانە جوعارى ءبىلىم مينيسترلىگىنە باسشىلىق ەتۋدى جالعاستىرادى.

ەربول قاراشوكەيەۆ اۋىل شارۋاشىلىعى ءمينيسترى بولىپ قايتا تاعايىندالدى.

عاني بەيسەمبايەۆ تا وقۋ- اعارتۋ ءمينيسترى لاۋازىمىندا قالدى.