ءاليحان سمايىلوۆ ۇكىمەت الداعى ۋاقىتتا شەشەتىن مىندەتتەردى اتادى

استانا. قازاقپارات - پرەمەر-مينيستر لاۋازىمىنا قايتا كىرىسكەن ءاليحان سمايىلوۆ ۇكىمەت الداعى ۋاقىتتا شەشەتىن نەگىزگى مىندەتتەردى اتادى، دەپ حابارلايدى قازاقپارات ءتىلشىسى.

«ەكونوميكانى ءارتاراپتاندىرۋعا، ىشكى نارىقتى وتاندىق تاۋارلارمەن قامتاماسىز ەتۋگە جانە قوسىلعان قۇنى جوعارى شيكىزاتتىق ەمەس تاۋارلار ءوندىرىسىن ۇلعايتۋعا باسىمدىق بەرىلەدى. ەل ەكونوميكاسىنا، ءبىرىنشى كەزەكتە وڭدەۋشى سالالارعا اۋقىمدى ينۆەستيتسيا تارتۋ بويىنشا ءىس- شارالار قابىلدانادى. اۋىل شارۋاشىلىعىن دامىتۋ جانە ازىق- تۇلىك قاۋىپسىزدىگىن قامتاماسىز ەتۋ ءۇشىن كەشەندى جۇمىس اتقارىلادى. سونىمەن قاتار ەنەرگەتيكا سالاسىن دامىتۋ جانە كوممۋنالدىق ينفراقۇرىلىمدى دامىتۋ ماسەلەلەرى وتە ماڭىزدى. ىشكى نارىقتى جانار- جاعارمايمەن قامتاماسىز ەتۋگە ەرەكشە نازار اۋدارىلادى. «تاريف ورنىنا ينۆەستيتسيا» باعدارلاماسىن ىسكە اسىرۋ ەلەكتر جانە كوممۋنالدىق جەلىلەردىڭ توزۋىن تومەندەتۋگە مۇمكىندىك بەرەدى»، - دەدى ءاليحان سمايىلوۆ ءماجىلىستىڭ جالپى وتىرىسىندا.

ونىڭ اتاپ وتۋىنشە، «اۋىل - ەل بەسىگى» جوباسى اياسىندا اۋىلدىق ينفراقۇرىلىمدى جاڭعىرتۋ جۇمىستارى كەڭەيتىلەدى. كولىك جانە لوگيستيكا سالاسىنىڭ وتكىزۋ قابىلەتىن ارتتىرۋعا جانە حالىقارالىق دالىزدەردى دامىتۋعا باسىمدىق بەرىلەتىن بولادى.

«ءبىلىم بەرۋ جانە دەنساۋلىق ساقتاۋ سالالارىندا قىزمەتتەردىڭ تيىمدىلىگى مەن ساپاسىن جاقسارتۋ، سونىمەن قاتار سيفرلاندىرۋدى ءارى قاراي جالعاستىرۋ، مەملەكەتتىك ءبىرىڭعاي سيفرلىق پلاتفورمانى ەنگىزۋ ءبىزدىڭ جۇمىسىمىزدىڭ ماڭىزدى باعىتتارى بولادى. ۇكىمەتتىڭ الدىنا قويىلعان مىندەتتەردى شەشۋ ءۇشىن ءتيىستى ءىس-شارالار قولدانىلادى. پارلامەنت دەپۋتاتتارى ءوزارا بىرلەسىپ، ۇيلەسىمدى جانە ناتيجەلى جۇمىس جاسايمىز دەپ سەنىم بىلدىرەمىن»، - دەدى پرەمەر-مينيستر.

سونىمەن قاتار، جىل سوڭىنا دەيىن ينفلياتسيا دەڭگەيىن 2 ەسەگە تومەندەتۋ - وتە ماڭىزدى مىندەت. بۇل تۋرالى ءماجىلىستىڭ جالپى وتىرىسىندا پرەمەر- مينيستر ءاليحان سمايىلوۆ ايتتى.

«ماعان ارتقان سەنىمدەرىڭىز ءۇشىن شىنايى ريزاشىلىعىمدى بىلدىرگىم كەلەدى. بۇل - مەن ءۇشىن زور جاۋاپكەرشىلىك.

قۇرمەتتى قاسىم-جومارت كەمەل ۇلى! ءسىز ايقىنداپ بەرگەن الەۋمەتتىك-ەكونوميكالىق ماسەلەلەر، ارىقاراي دامۋ بويىنشا، حالقىمىزدىڭ ءال-اۋقاتى مەن ءومىر ءسۇرۋ ساپاسىن ارتتىرۋ بويىنشا مىندەتتەر ۇكىمەت جۇمىسىنىڭ نەگىزگى باسىمدىعى بولادى.

ەڭ الدىمەن، ءبىز مەملەكەت باسشىسىنىڭ سايلاۋالدى باعدارلاماسىن جانە «Amanat» پارتياسىنىڭ باعدارلاماسىن ىسكە اسىرامىز. سونىمەن بىرگە، باسقا پارتيالار مەن دەپۋتاتتاردىڭ، بيزنەس قاۋىمداستىقتىڭ، ازاماتتارىمىزدىڭ سىندارلى ۇسىنىستارىن ەسكەرەتىن بولامىز.

ورتا مەرزىمدى كەزەڭدە ەكونوميكامىزدىڭ ءوسۋىن 5 پايىزعا جەتكىزۋ جانە وسى جىلدىڭ اياعىنا دەيىن ينفلياتسيا دەڭگەيىن 2 ەسە تومەندەتۋ - ءبىز ءۇشىن وتە ماڭىزدى مىندەت»، - دەدى ۇكىمەت باسشىسى.

ونىڭ اتاپ وتۋىنشە، كاسىپكەرلىكتى قولداۋ جانە بيزنەس احۋالدى جاقسارتۋ جونىندەگى كەشەندى شارالار، سونداي-اق بيزنەستىڭ تۇيتكىلدى ماسەلەلەرىن شەشۋ، حالىقتى جۇمىسپەن قامتۋ جانە ازاماتتارىمىزدىڭ ناقتى تابىسىن ءوسىرۋ نەگىزگى باعىتتاردىڭ ءبىرى بولادى.

ايتا كەتسەك، بۇگىن مەملەكەت باسشىسىنا «AMANAT» پارتياسىنىڭ اتىنان پرەمەر-مينيستر لاۋازىمىنا ءاليحان سمايىلوۆتىڭ كانديداتۋراسى ۇسىنىلعان ەدى.

مۇنان سوڭ ءماجىلىستىڭ پلەنارلىق وتىرىسىندا مەملەكەت باسشىسى قاسىم-جومارت توقايەۆ پرەمەر-مينيستر لاۋازىمىنا ءاليحان سمايىلوۆتى تاعايىنداۋ ءۇشىن دەپۋتاتتاردىڭ كەلىسىم بەرۋىن سۇرادى.

پالاتا دەپۋتاتتارىنىڭ باسىم بولىگى كەلىسىم بەرگەننەن كەيىن مەملەكەت باسشىسى قاسىم-جومارت توقايەۆ ءاليحان اسحان ۇلى سمايىلوۆتى قازاقستان رەسپۋبليكاسىنىڭ پرەمەر-ءمينيسترى لاۋازىمىنا تاعايىنداۋ تۋرالى جارلىققا قول قويدى.