ءاليحان سمايىلوۆ پرەمەر-مينيستر لاۋازىمىنا بەكىتىلدى

استانا. قازاقپارات - مەملەكەت باسشىسى قاسىم-جومارت توقايەۆ ءماجىلىستىڭ پلەنارلىق وتىرىسىندا پرەمەر-مينيستر لاۋازىمىنا ءاليحان سمايىلوۆتى تاعايىنداۋ ءۇشىن دەپۋتاتتاردىڭ كەلىسىم بەرۋىن سۇرادى، دەپ حابارلايدى قازاقپارات اقورداعا سىلتەمە جاساپ.

استانا. قازاقپارات - ءماجىلىس دەپۋتاتتارى پرەمەر-مينيستر لاۋازىمىنا ءاليحان اسحان ۇلى سمايىلوۆتى تاعايىنداۋعا كەلىسىم بەردى، دەپ حابارلايدى قازاقپارات ءتىلشىسى.

ءماجىلىس دەپۋتاتتارى ۇكىمەت باسشىسى كانديداتۋراسىن تالقىلاعاننان كەيىن «قازاقستان رەسپۋبليكاسىنىڭ پرەزيدەنتىنە قازاقستان رەسپۋبليكاسى پرەمەر- ءمينيسترى لاۋازىمىنا سمايىلوۆ ءاليحان اسحان ۇلىن تاعايىنداۋعا كەلىسىم بەرىلسىن» دەگەن قاۋلى جوباسىنا داۋىس بەردى. داۋىس بەرۋ بارىسىندا جالپى وتىرىسقا قاتىسقان 97 دەپۋتاتتىڭ 82 سى ونىڭ كانديداتۋراسىن قولدادى. 7 دەپۋتات قارسى شىعىپ، 8 دەپۋتات قالىس قالدى.

سمايىلوۆ ءاليحان اسحان ۇلى 1972 -جىلى الماتى قالاسىندا دۇنيەگە كەلگەن.

1994 -جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «قولدانبالى ماتەماتيكا» ماماندىعى بويىنشا ءتامامداعان.

1996 -جىلى – ق ر پرەزيدەنتى جانىنداعى قازاقستان مەنەدجمەنت، ەكونوميكا جانە بولجامداۋ ينستيتۋتىنىڭ مەملەكەتتىك باسقارۋ ماگيسترى دارەجەسىنە يە بولدى.

1993- 1999 -جىلدارى - «ا- ينۆەست» ينۆەستيتسيالىق-جەكەشەلەندىرۋ قورىنىڭ باس مامانى؛ ءبولىم باسشىسىنىڭ ورىنباسارى، ق ر ۇلتتىق ستاتيستيكا اگەنتتىگىنىڭ باسقارما باسشىسى؛ ق ر ستاتيستيكالىق جوسپارلاۋ جانە رەفورمالار جونىندەگى اگەنتتىگىنىڭ ستاتيستيكا جانە تالداۋ كوميتەتى ءتوراعاسىنىڭ ورىنباسارى؛ باس ساراپشى، ەكونوميكا سەكتورىنىڭ مەڭگەرۋشىسى، ق ر پرەزيدەنتى اكىمشىلىگىنىڭ مەملەكەتتىك ينسپەكتورى بولىپ قىزمەت اتقارعان.

1999- 2003 -جىلدارى - ق ر ستاتيستيكا اگەنتتىگىنىڭ ءتوراعاسى.

2003- 2006 -جىلدارى - ق ر سىرتقى ىستەر ۆيتسە- ءمينيسترى، «ەكسپورتتىق نەسيەلەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» ا ق باسقارما ءتوراعاسى.

2006- 2009 -جىلدارى - ق ر قارجى ۆيتسە-ءمينيسترى، «قازاگرو» ۇ ب ح پرەزيدەنتى.

2009- 2014 -جىلدارى - ق ر ستاتيستيكا اگەنتتىگىنىڭ ءتوراعاسى.

2014- 2015 -جىلدارى - ق ر ۇلتتىق ەكونوميكا مينيسترلىگىنىڭ ستاتيستيكا جونىندەگى كوميتەتىنىڭ ءتوراعاسى.

2015- 2018 -جىلدارى - ق ر پرەزيدەنتىنىڭ كومەكشىسى.

2018 -جىلعى قىركۇيەكتەن باستاپ 2019 -جىلعى اقپانعا دەيىن - قارجى ءمينيسترى.

2019 -جىلعى 25-اقپاندا پرەزيدەنت جارلىعىمەن پرەمەر-ءمينيستردىڭ ءبىرىنشى ورىنباسارى - قارجى ءمينيسترى قىزمەتىنە تاعايىندالدى. 2021 -جىلى 18-قاڭتاردا ق ر پرەزيدەنتىنىڭ جارلىعىمەن وسى قىزمەتىنە قايتا تاعايىندالدى.

وسىعان دەيىن «AMANAT» پارتياسى پرەمەر-مينيستر لاۋازىمىنا ءاليحان سمايىلوۆتى ۇسىنعانى حابارلاندى.

مەملەكەت باسشىسى قاسىم-جومارت توقايەۆ ءماجىلىستىڭ پلەنارلىق وتىرىسىندا پرەمەر-مينيستر لاۋازىمىنا ءاليحان سمايىلوۆتى تاعايىنداۋ ءۇشىن دەپۋتاتتاردىڭ كەلىسىم بەرۋىن سۇرادى.

«مەن سايلاۋدا جەڭىسكە جەتكەن پارتيا مەملەكەت باسشىسىنا پرەمەر-ءمينيستردىڭ كانديداتۋراسىن ۇسىنا الاتىنىن اتاپ ءوتتىم. بۇگىن مەن ءماجىلىس ءتوراعاسى ەرلان جاقان ۇلى قوشانوۆتى قابىلدادىم. جاڭا عانا فراكسيا جەتەكشىلەرىمەن ارنايى كەزدەستىم. ۇكىمەت باسشىسى لاۋازىمىنا Amanat پارتياسى ۇسىنعان كانديداتتى تالقىلادىق. ورتاق مامىلەگە كەلدىك.

اتا زاڭىمىزدىڭ 44-بابىنا سايكەس، پرەمەر-مينيستر لاۋازىمىنا ءاليحان اسحان ۇلى سمايىلوۆتىڭ كانديداتۋراسىن ۇسىنامىن. بارشاڭىز بۇل ازاماتتى جاقسى تانيسىزدار. بىلىكتى ءارى تاجىريبەلى مامان. جۇمىسقا ادال، ەڭبەكقور ادام. ول ۇكىمەتتىڭ الدىندا تۇرعان مىندەتتەردى جاقسى بىلەدى. وعان جاڭا ۇكىمەتتىڭ تىزگىنىن سەنىپ تاپسىرۋعا بولادى دەپ سانايمىن.

كونستيتۋتسيانىڭ 56-بابىنا سايكەس پرەمەر-مينيستر لاۋازىمىنا ءاليحان اسحان ۇلى سمايىلوۆتى تاعايىنداۋ ءۇشىن ءماجىلىستىڭ كەلىسىم بەرۋىن سۇرايمىن»، - دەگەن ەدى پرەزيدەنت.