ءىرى كاسىپورىندار قازىناعا كوبىرەك تولەم ءتۇسىرۋى كەرەك - مەملەكەت باسشىسى
«ءىرى كاسىپورىندار جانە شيكىزات ەكسپورتىمەن اينالىساتىن كومپانيالار قازىناعا كوبىرەك تولەم تۇسىرسە، ادىلدىك بولار ەدى. بۇل - الەمدە بار وزىق تاجىريبە. قازىر ەلدەگى جاعداي تۇبەگەيلى وزگەردى. ادىلەتتى قازاقستان دەگەنىمىز - جالاڭ ۇران ەمەس، بۇل - انىق اقيقات. الدا اتقاراتىن جۇمىس كوپ. ءبىز بۇعان ءبىر ەل بولىپ تۇگەل اتسالىسۋىمىز كەرەك»، - دەدى قاسىم- جومارت توقايەۆ.
پرەزيدەنت وتكەن جىلدىڭ باسىنان بەرى ەكونوميكانى مونوپوليادان ارىلتۋ جۇمىستارى جۇرگىزىلىپ كەلە جاتقانىن ايتتى.
«بۇل - ۇكىمەتتەن ەرىك- جىگەر مەن جوعارى كاسىبيلىكتى تالاپ ەتەتىن كۇردەلى پروتسەسس. بۇل جۇمىستى جالعاستىرعان ءجون. ترانسفەرتتى باعا بەلگىلەۋ، حالىقارالىق سالىق سالۋ، سۋبسيديا مەن مەملەكەتتىك رەسۋرستاردى ءبولۋ كەزىندە باقىلاۋدى قامتاماسىز ەتەتىن تۇسىنىكتى جانە ءتيىمدى قۇرالداردى قولدانىسقا ەنگىزۋ قاجەت»، - دەدى مەملەكەت باسشىسى.
جالپى، ورتا جانە شاعىن كاسىپكەرلىكتى قولداۋ ساياساتى مەملەكەتىمىزدىڭ ۇزاق مەرزىمگە ارنالعان تۇراقتى ستراتەگياسىنا اينالۋى كەرەك.
«اق جول» پارتياسى شاعىن جانە ورتا بيزنەستى دامىتۋ، ەكونوميكانى مونوپوليادان ارىلتۋ تۋرالى ۇنەمى ايتىپ ءجۇر. پارتيانىڭ ماجىلىستەگى دەپۋتاتتارى وسى جۇمىسقا ءوز ۇلەسىن قوسادى دەپ سەنەمىن. سونداي- اق، كاسىپكەرلەردىڭ باستاماسىمەن قۇرىلعان Respublica پارتياسى پارلامەنتكە ءوتتى. بۇل ۇيىم بيزنەستىڭ دامۋىنا قولايلى جاعداي قالىپتاستىرۋعا اتسالىسادى دەپ ويلايمىن»، - دەدى پرەزيدەنت.
الداعى ۋاقىتتا سۋ ماسەلەسى ۋشىعىپ كەتۋى مۇمكىن. بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم- جومارت توقايەۆ ايتتى.
«تاعى ءبىر ماسەلە - سۋ قاۋىپسىزدىگىن قامتاماسىز ەتۋ. بۇل - ستراتەگيالىق ماڭىزى بار مىندەت. الداعى ۋاقىتتا سۋ ماسەلەسى ۋشىعىپ كەتۋى مۇمكىن. سول سەبەپتى، بىزگە ونىڭ الدىن الۋ قاجەت. قازىر ۇكىمەت سۋ كودەكسىنىڭ جاڭا جوباسىن ازىرلەپ جاتىر. سۋ رەسۋرستارىن ءتيىمدى باسقارۋعا جانە ولاردى قورعاۋعا باسا نازار اۋدارۋ كەرەك. وسى جۇمىستا عىلىمي ۇستانىمدى، يننوۆاتسيانى، حالىقارالىق وزىق تاجىريبەنى باسشىلىققا العان ابزال. ءبىزدىڭ ەلدە سۋدىڭ 65 پايىزى اۋىل شارۋاشىلىعى سالاسىنا جۇمسالادى. سونىڭ 60 پايىزعا جۋىعى قۇمعا ءسىڭىپ كەتەدى. مۇنداي ىسىراپشىلدىققا جول بەرۋگە بولمايدى. جاڭا تاريف ساياساتىنا كوشۋ قاجەت. ونى دەرەۋ قولعا الماساق، احۋال ودان ءارى كۇردەلەنە تۇسەتىنى انىق»، - دەدى قاسىم- جومارت توقايەۆ.
مەملەكەت باسشىسى سۋمەن جابدىقتاۋ نىساندارىن جانە بارلىق سۋ سالاسىن سيفرلاندىرۋ زور ماڭىزعا يە ەكەندىگىن اتاپ ءوتتى. سۋارۋ ارنالارىن جاپپاي جاڭعىرتۋ، گيديروتەحنيكالىق قۇرىلىستاردى دەربەس باسقارۋعا كوشۋ، سۋ رەسۋرستارىن پايدالانۋعا كۆوتا ەنگىزۋ، سۋدى ەسەپكە الۋدى اۆتوماتتاندىرۋ كەرەكتىگىن توقتالدى.
«بۇل ماسەلەلەردىڭ بارلىعى ساپالى نورماتيۆتىك- قۇقىقتىق جانە زاڭنامالىق قامتاماسىز ەتۋدى تالاپ ەتەدى»، - دەدى پرەزيدەنت.
اۆتور
مارلان جيەمباي
