و س ك سايلاۋدىڭ الدىن الا قورىتىندىسىن جاريالادى

استانا. قازاقپارات - ورتالىق سايلاۋ كوميسسياسى ق ر پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنىڭ الدىن الا ناتيجەسىن جاريالادى، دەپ حابارلايدى قازاقپارات ءتىلشىسى.

كوميسسيانىڭ الدىن الا دەرەگىنشە، ءماجىلىس سايلاۋىنا قاتىسقان پارتيالار سايلاۋشىلار داۋسىن بىلاي بولىسكەن:

1. Amanat پارتياسى - 53,90 پايىز نەمەسە 3431510 ادام داۋىس بەردى؛

2. «اۋىل» حالىقتىق- دەموكراتيالىق پارتياسى - 10,90 پايىز نەمەسە 693938 ادام داۋىس بەردى؛

3. Respublica پارتياسى - 8,59 پايىز نەمەسە 547154 ادام داۋىس بەردى؛

4. قازاقستان حالىق پارتياسى - 6,80 پايىز نەمەسە 432920 ادام داۋىس بەردى؛

5. «بايتاق» جاسىلدار پارتياسى - 2,30 پايىز نەمەسە 146431 ادام داۋىس بەردى؛

6. «اق جول» قازاقستان دەموكراتيالىق پارتياسى - 8,41 پايىز نەمەسە 535139 ادام داۋىس بەردى؛

7.جالپىۇلتتىق سوتسيال- دەموكراتيالىق پارتيا - 5,20 پايىز نەمەسە 331058 ادام داۋىس بەردى؛

«بارىنە قارسىمىن» - باعانى - 3,90 پايىز نەمەسە 248291 ادام داۋىس بەردى

ورتالىق سايلاۋ كوميسسياسىنىڭ مالىمەتىنشە، ەلىمىزدە وتكەن سايلاۋدا 6366441 ادام ءوز تاڭداۋىن جاساعان.