بالانىڭ ءتىلى نەگە كەش شىعا باستادى؟ مامان پىكىرى
شىققان كۇننىڭ وزىندە بۇرىنعىداي «ر»- عا ەمەس، «ڭ»- عا، «ق»- عا ءتىلى كەلمەيتىن بۇلدىرشىندەر كوپ. قازىر مەكتەپكە دايارلىق سىنىبىنا بارىپ جۇرسە دە، ءتىلى دۇرىس شىقپاعان ۇل- قىزىن لوگوپەدكە، پسيحولوگقا اكەلەتىن اتا- انالار كوپ.
مۇنىڭ تۇپكى سەبەبى نەدە؟ Massaget.kz ءتىلشىسى تارازدىق پسيحولوگ سالتانات بۋكەشوۆامەن تىلدەسىپ، بالا ءتىلىنىڭ تولىق شىقپاي قالۋىنا نە اسەر ەتەتىنىن سۇراپ ءبىلدى.
«بالا پسيحولوگياسىن زەرتتەپ كەلە جاتقانىما 4 -جىلدان استى. قازىرگى ءاربىر وتباسىندا بار باستى ماسەلە - بالانىڭ دىبىستى اجىراتا الماۋى.»ى«مەن»ۋ«- دىڭ، ء»ۇ«مەن»ۇ«- نىڭ،»ن«مەن»ڭ«- نىڭ ايىرماسىن، دۇرىس دىبىستالۋىن بىلمەيدى. بۇل ۇلكەن ماسەلە. بالاسى ءسوزدى دۇرىس ايتا الماعان سوڭ اتا-انالار جاتىپ كەپ لوگوپەدكە، پسيحولوگقا جۇگىرەدى»، - دەيدى سالتانات بۋكەشوۆا.
قازىر 2 جاستان اسقانشا «اكە»، «انا» دەگەننەن باسقا ءسوزدى ايتپايتىن بالا كوبەيدى. كوپشىلىگى مۇنى ءبۇلدىرشىننىڭ ەركەلىگىنە جوري سالادى. ماماندار بۇل ەشقانداي دا ەركەلىك ەمەس ەكەنىن ايتادى.
«بىزگە اكەلگەندە اتا-انادان ەڭ ءبىرىنشى بالاعا YouTube كورسەتەسىز بە دەپ سۇرايمىز. ال YouTube-تە بالاعا ارنالعان كونتەنت جوق. بالانىڭ بۇل ارەكەتىنە اتا-انا تۇسىنگىسى دە، زەردەلەگىسى دە كەلمەيدى. ۇيدەگى ورتا قازاق ءتىلدى ورتا، اكەسى دە، شەشەسى دە قازاقشا سويلەيدى. ال بالا ورىسشا كونتەنت كورىپ وسكەن. ول ءوز ويىن قاي تىلدە ايتىپ جەتكىزەرىن بىلمەيدى»، - دەپ ءتۇسىندىردى پسيحولوگ.
اتا-انالار كاسىبي ماماننىڭ كومەگىنە جۇگىنگەن كەزدە «بالاممەن تەك قازاقشا سويلەسىڭىزشى» دەپ ءوتىنىش بىلدىرەتىنىن ايتتى. ال ءبۇلدىرشىننىڭ پسيحولوگكە نەمەسە باسقا مامانمەن سويلەسكەن 4 ساعاتى ەشتەڭەنى شەشپەيتىنى تۇسىنىكتى. سەبەبى قالعان 20 ساعاتتا بالا اكە-شەشەسىمەن بىرگە.
«اتا-انالاردىڭ بالاسىن دامىتامىن دەپ ماماندارعا سۇيرەپ، شابىلىپ جۇرگەنىنىڭ ءوزى دۇرىس ەمەس. الدىمەن ول - انا، سونى ءتۇسىنۋى كەرەك. بالا قۇرساقتان شىققان بالا اناسىنان كوپ نارسەنى بويىنا سىڭىرەدى. قازىر اكە- شەشە ءوزى جاساي الماعان نارسەنى مامانداردىڭ مويىنا جۇكتەپ قويعىسى كەلەدى. سىرتتان كەلگەن مامان تەك ولقىلىقتى تۇزەتە الادى. بالانىڭ بولمىسىن وزگەرتە المايدى»، - دەپ وي ءبولىستى مامان.
