ق ت ج باسشىلىعى شينجاڭ-ۇيعىر اۆتونوميا ولكەسى كوممۋنيستىك پارتيا حاتشىسىمەن كەزدەستى

ءۇرىمجى. قازاقپارات - ۇرىمجىدە «قازاقستان تەمىر جولى» ۇ ك ا ق باسشىلىعى شينجاڭ- ۇيعىر اۆتونوميالىق ولكەسى (ش ۇ ا ءو) كوممۋنيستىك پارتياسىنىڭ حاتشىسى ما شيڭرۋي مىرزامەن كەزدەسۋ وتكىزدى، دەپ حابارلايدى قازاقپارات.

تاراپتار تەمىرجول تاسىمالىنىڭ تۇراقتى ءوسۋ قارقىنىن اتاپ ءوتتى.

وتكەن جىلى ءوسىم - %14,5، ال اعىمداعى جىلدىڭ العاشقى ەكى ايىندا - %30 قۇرادى، ونىڭ ىشىندە قازاقستاننان ق ح ر-عا ەكسپورت 1,6 ەسە ءوستى.

كەزدەسۋدە كولىك سالاسىنداعى ءوزارا ءىس-قيمىل ماسەلەلەرى - باقتى-تاچىڭ ءۇشىنشى تەمىرجول شەكارا وتكەلىنىڭ قۇرىلىسى، دوستىق-مويىنتى ۋچاسكەسىن جاڭعىرتۋ، حالىقارالىق كولىك دالىزدەرىن دامىتۋ پەرسپەكتيۆالارى تالقىلاندى.

ش ۇ ا ءو باسشىلىعى ءۇرىمجى قالاسىندا ق ت ج تەرمينالىن قۇرۋدى قولدايدى جانە الماتى اگلومەراتسياسىندا بارلىق قاجەتتى كولىكتىك-لوگيستيكالىق ينفراقۇرىلىمى بار ساۋدا حابىن قۇرۋ جوباسىنا قولداۋ ءبىلدىردى.

ىنتىماقتاستىقتى كۇشەيتۋ ءۇشىن تاراپتار تۇراقتى نەگىزدە كەزدەسىپ تۇرۋعا كەلىستى.