قىتايدان قازاقستانعا جۇك وتكىزۋ كولەمى ءۇش ەسەگە ارتتى

استانا. قازاقپارات - قارجى مينيسترلىگى پرەمەر-ءمينيستردىڭ قىتايمەن اراداعى شەكارانىڭ وتكىزۋ قابىلەتىن ارتتىرۋ جونىندەگى تاپسىرمالارىن ورىنداۋ ماقساتىندا ءبىرقاتار شارانى جۇزەگە اسىرۋدا، دەپ حابارلايدى قازاقپارات ق ر قارجى مينيسترلىگىنىڭ باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمەتتەرىنە قاراعاندا، 13-ناۋرىزدا پرەمەر-مينيستر ا. سمايىلوۆتىڭ باسشىلىعىمەن قىتايمەن شەكاراداعى وتكىزۋ پۋنكتتەرىنىڭ قابىلەتىن ارتتىرۋ تۋرالى كەڭەس ءوتتى.

مەملەكەتتىك كىرىستەر كوميتەتى، شەكارا قىزمەتى «اتامەكەن» ق ر ۇ ك پ جانە باسقا دا مەملەكەتتىك ورگاندارمەن بىرلەسىپ «نۇر جولى» وتكىزۋ پۋنكتىندە ەكسپورتتىق-يمپورتتىق وپەراتسيالاردى ۇلعايتۋ بويىنشا شارالار كەشەنىن جۇزەگە اسىردى.

وتكىزۋ پۋنكتىنىڭ جۇمىس ۋاقىتى ۇلعايتىلدى، قازاقستاننىڭ تاسىمالداۋشىلارى مەن جۇرگىزۋشىلەرىنە ۆيزالىق قولداۋ كورسەتىلەدى، ەلەكتروندىق كەزەك جۇيەسىنىڭ فۋنكتسيونالى جاقسارادى. ءوڭىر اكىمدىگى مەن جەرگىلىكتى قۇقىق قورعاۋ ورگاندارى قۇقىقتىق ءتارتىپتى قامتاماسىز ەتۋ بويىنشا قولداۋ كورسەتەدى.

«اتامەكەن» ق ر ۇ ك پ تاسىمالداۋشىلارمەن جانە سىرتقى ەكونوميكالىق قىزمەتكە قاتىسۋشىلارمەن ق ح ر-عا كىرۋ ءۇشىن بارلىق زاڭنامالىق تالاپتاردى ساقتاۋ قاجەتتىلىگى تۋرالى ءتۇسىندىرۋ جۇمىستارىن جۇرگىزەدى.

14-17-ناۋرىز ارالىعىندا جۇرگىزىلگەن جۇمىستاردىڭ ناتيجەسىندە قىتايدان قازاقستانعا جۇكتەردى وتكىزۋ كولەمى ءۇش ەسەگە ءوسىپ، تاۋلىگىنە 500 دەن استام ماشينانى قۇرادى. قازاقستاننان قىتايعا شىعۋ ەكى ەسەگە ارتىپ، تاۋلىگىنە ورتا ەسەپپەن 200 كولىك قۇرالىنا جەتتى.

«قىتايمەن شەكاراداعى وتكىزۋ پۋنكتتەرىنىڭ تاۋار اينالىمى مەن وتكىزۋ قابىلەتىن ارتتىرۋ جونىندەگى جۇمىس الداعى ۋاقتت ادا جالعاساتىن بولادى»، - دەلىنگەن حابارلامادا.