انكارادا ترانسكاسپي حالىقارالىق كولىك باعىتىنىڭ ماڭىزى ايتىلدى
«تۇركيا قازاقستاننىڭ باستى بەس ساۋدا سەرىكتەسىنىڭ قاتارىنا كىرەدى. بىلتىر ەكى ەل اراسىنداعى ساۋدا اينالىمى 33 پايىزعا ءوسىپ، 6,3 ميلليارد دوللارعا جەتتى. بۇل - جۇيەلى جۇمىستىڭ ناتيجەسى. قازاقستاننىڭ تاۋارلارىن تۇركيا نارىعىنا كوپتەپ شىعارۋعا مۇمكىندىك بار»، - دەدى مەملەكەت باسشىسى.
قاسىم- جومارت توقايەۆ تۇرىك ينۆەستورلارىنىڭ قازاقستانداعى جوبالارىن قولداۋعا دايىن ەكەنىن جەتكىزدى. سونداي- اق كەزدەسۋ بارىسىندا «ورتا ءدالىز» دەپ اتالاتىن ترانسكاسپي حالىقارالىق كولىك باعىتى اسا ماڭىزدى ءرول اتقاراتىنى ءسوز بولدى.
قازاقستان تاراپى الەۋەتى مول وسى كولىك- لوگيستيكالىق باعداردى دامىتۋ ءۇشىن ورتاق ينفراقۇرىلىمدىق جوبالاردى جۇزەگە اسىرۋعا دايىن ەكەنىن مالىمدەدى.
ەسكە سالساق، كەشە تۇندە قاسىم- جومارت توقايەۆ ت م ۇ- نىڭ كەزەكتەن تىس سامميتىنە قاتىسۋ ءۇشىن انكاراعا جۇمىس ساپارىمەن باردى.