ءۇش جىلدان كەيىن قىتاي شەتەلدىكتەرگە ۆيزا بەرۋدى قايتا باستادى

استانا. قازاقپارات - قىتاي سارسەنبىدەن باستاپ شەتەلدىكتەرگە ۆيزالاردىڭ بارلىق ساناتتارىن قايتا بەرەدى، دەپ حابارلايدى قىتايلىق ب ا ق.

قىتايدىڭ كوروناۆيرۋستىڭ تارالۋىن بولدىرماۋعا ارنالعان ءۇش جىلدىق ترانسشەكارالىق باقىلاۋ شارالارى رەسمي تۇردە اياقتالادى.

قىتاي سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ WeChat قوعامدىق اككاۋنتى «كونسۋلدىق ەكسپرەسس» سەيسەنبى كۇنى قىتايلىق جانە شەتەلدىك پەرسونال الماسۋدى ودان ءارى جەڭىلدەتۋ ءۇشىن ۆيزانى رەتتەۋگە شەشىم قابىلداعانى تۋرالى حابارلاما شىعاردى.

قىتاي جەلتوقساندا «نولدىك تازارتۋ» ساياساتىنان باس تارتتى جانە قاڭتاردا كەلەتىن ساياحاتشىلارعا كارانتيندىك تالاپتاردى الىپ تاستادى.

سىرتقى ىستەر مينيسترلىگىنىڭ كونسۋل مەڭگەرمەسى مىناداي حابالاندىرۋ جاريالادى:

قىتايلىق-شەتەلدىك ادامداردىڭ بارىس-كەلىسىنە اناعۇرلىم قولايلىلىق جاراتۋ ءۇشىن، بەيجيڭ ۋاقىتى 2023-جىلى 15-ناۋرىز كۇنى ساعات نولدەن باستاپ شەتەلدىكتەردىڭ قىتايعا كىرۋ ۆيزاسى جانە شەكارادان كىرۋ ساياساتىنا مىناداي رەتتەۋ جاسالدى:

ءبىرىنشى، 2020-جىلى 28-ناۋرىزى كۇنىنەن بۇرىن قول قويىپ تاراتىلعان، سونداي-اق ءالى دە كۇشكە يە مەرزىم ىشىندەگى ۆيزانىڭ شەكارادان كىرۋ فۋنكسياسىن قالپىنا كەلتىرەدى.

ەكىنشى، شەتەلدەردە تۇراتىن ۆيزا بەرۋ ورگاندارى شەتەلدىكتەردىڭ قىتايعا كەلەتىن ءتۇرلى ۆيزالارىن تەكسەرىپ تاراتۋدى قالپىنا كەلتىرەدى.

ءۇشىنشى، وتكەلدەردەگى ۆيزا بەرۋ ورگاندارى زاڭدا بەلگىلەنگەن شارتتارعا ۇيلەسەتىن ءتۇرلى وتكەلدەردەگى ۆيزانى تەكسەرىپ تاراتۋدى قالپىنا كەلتىرەدى.

ءتورتىنشى، حايناننان شەكاراعا ۆيزاسىز كىرۋ، شاڭحاي پوچتا كەمەسىمەن ۆيزاسىز كىرۋ، شياڭگاڭ، اۋمىن رايوندارىنداعى شەتەلدىكتەردىڭ ۇيىرمە ۇيىمداستىرىپ گۋاڭدۇڭعا ۆيزاسىز كىرۋ، شىعىس وڭتۇستىك ازيا ەلدەرى وداعى ساياحات ۇيىرمەسىنىڭ گۋاڭشيعا ۆيزاسىز كىرۋ ساياساتىن قالپىنا كەلتىرەدى.

اۆتورى

بەيسەن سۇلتان ۇلى