سينوپتيكتەر بارلىق وڭىردە ەسكەرتۋ جاريالادى

استانا. قازاقپارات - اۋا رايىنىڭ بۇزىلۋىنا بايلانىستى «قازگيدرومەت» ر م ك بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

الماتى وبلىسىندا 11-14- ناۋرىز ارالىعىندا كۇننىڭ جىلىنۋىنان، قار جامىلعىسىنىڭ تۇراقسىز بولۋىنان جانە قاتتى جاۋىن-شاشىننىڭ اسەرىنەن ۇلكەن جانە كىشى الماتى سۋ باسسەيندەرىندە قار كوشكىنى قاۋپى ساقتالادى. وسىعان بايلانىستى قار جاتقان تاۋ بوكتەرىنە شىعۋعا تىيىم سالىنادى.

11- ناۋرىزدا اقمولا وبلىسىنىڭ باتىسىندا جاياۋ بۇرقاسىن كۇتىلەدى. كۇندىز وبلىستىڭ وڭتۇستىك- باتىسىندا تۇمان بولادى. وڭتۇستىكتەن، وڭتۇستىك- باتىستان جەل سوعادى، كۇندىز ءوڭىردىڭ سولتۇستىك- باتىسىندا ەكپىنى 15-20 م/س قۇرايدى.

الماتى ق الاسىندا 12 ناۋرىزدا كۇندىز قاتتى جاڭبىر جاۋادى. شىعىستان جەل سوعادى، كۇندىز ەكپىنى 15-20 م/س قۇرايدى.

11- ناۋرىزدا اقتوبە وبلىسىنىڭ وڭتۇستىگى مەن شىعىسىندا كوكتايعاق بولجانادى. وبلىستىڭ باسىم بولىگىندە تۇمان كۇتىلەدى. ءوڭىردىڭ سولتۇستىك جارتىسىندا جولداردا كوكتايعاق ساقتالادى.

11- ناۋرىزدا اتىراۋ وبلىسىنىڭ وڭتۇستىگىندە، سولتۇستىگى مەن شىعىسىندا تۇمان كۇتىلەدى.

11- ناۋرىزدا باتىس قازاقستان وبلىسىنىڭ سولتۇستىگىندە، شىعىسى مەن وڭتۇستىگىندە تۇمان بولجانادى.

11- ناۋرىزدا شىعىس قازاقستان وبلىسىن دا جەل وڭتۇستىك- شىعىستان، وڭتۇستىكتەن سوعادى، كۇندىز جىلدامدىعى 15-20 م/س قۇرايدى. اۋا تەمپەراتۋراسى كۇندىز 2-7، وبلىستىڭ وڭتۇستىگىندە 10 گرادۋس جىلى بولادى.

12- ناۋرىزدا كۇندىز وبلىستىڭ سولتۇستىگى مەن شىعىسىندا قاتتى جاۋىن- شاشىن (جاڭبىر، قار) كۇتىلەدى. ءوڭىردىڭ سولتۇستىگى مەن باتىسىندا كوكتايعاق بولادى. جەل وڭتۇستىك- شىعىستان سوعادى، وبلىستىڭ سولتۇستىگىندە، شىعىسىندا، وڭتۇستىگىندە ەكپىنى 23-28 م/س كۇشەيەدى. اۋا تەمپەراتۋراسى تۇندە 0-5 گرادۋس، كۇندىز 0-5، وبلىستىڭ وڭتۇستىگىندە 8 گرادۋس جىلى بولادى.

11- ناۋرىزدا اباي وبلىسىنىڭ كۇندىز وڭتۇستىگىندە جاڭبىر كۇتىلەدى. جەل وڭتۇستىك- شىعىستان، وڭتۇستىكتەن سوعادى، جارما اۋدانىندا كۇشى 25 م/س جەتەدى. اۋا تەمپەراتۋراسى كۇندىز 2-7، وبلىستىڭ وڭتۇستىگىندە 10 گرادۋس جىلى بولادى.

12- ناۋرىزدا كۇندىز وبلىستىڭ سولتۇستىگى مەن شىعىسىندا قاتتى جاۋىن-شاشىن (جاڭبىر، قار) بولجانادى. وبلىستىڭ سولتۇستىگىندە، شىعىسىندا كوكتايعاق بولادى. جەل وڭتۇستىك- شىعىستان ەكپىنى 23-28 م/س جەتەدى. اۋا تەمپەراتۋراسى تۇندە 0-5 جىلى، كۇندىز 0-5، وبلىستىڭ وڭتۇستىگىندە 8 گرادۋس جىلى بولماق.

11- ناۋرىزدا ماڭعىستاۋ وبلىسىنىڭ باتىسىندا، سولۇستىگى مەن وڭتۇستىگىندە تۇمان كۇتىلەدى.

12- ناۋرىزدا جەتىسۋ وبلىسىندا جاڭبىر، كۇندىز وڭتۇستىگىندە، تاۋلى اۋداندارىندا قاتتى جاڭبىر بولادى. 11 ناۋرىزدا شىعىستان جەل سوعادى، الاكول كولدەرى اۋدانىندا ەكپىنى 15-20, كەي ۋاقىتتاردا 23-28 م/س جەتەدى.

11- ناۋرىزدا كۇندىز تۇركىستان وبلىسىنىڭ تاۋلارىندا، 12- ناۋرىزدا تۇندە جانە تاڭەرتەڭ وڭتۇستىگىندە، تاۋلى جانە تاۋ بوكتەرلى اۋداندارىندا قاتتى جاڭبىر كۇتىلەدى. 11- ناۋرىزدا كۇندىز وبلىستىڭ تاۋلى اۋداندارىندا، 12- ناۋرىزدا تاۋلىك بويى تاۋلى جانە تاۋ بوكتەرلى اۋداندارىندا نايزاعاي وينايدى. كۇندىز تاۋ اسۋلارىندا جەلدىڭ كۇشى 23 م/س جەتەدى.

شىمكەنت قالاسىندا 12-ناۋرىزدا تۇندە جانە تاڭەرتەڭ كەي ۋاقىتتا قاتتى جاڭبىر، نايزاعاي كۇتىلەدى. 11 ناۋرىزدا تاڭەرتەڭ جانە كۇندىز، 12- ناۋرىزدا تاۋلىك بويى جەلدىڭ كۇشى 15-20 م/س قۇرايدى.

11- ناۋرىزدا سولتۇستىك قازاقستان وبلىسىنىڭ وڭتۇستىگى مەن شىعىسىندا كوكتايعاق، جاياۋ بۇرقاسىن، تۇمان بولجانادى. وڭتۇستىكتەن، وڭتۇستىك- باتىستان جەل سوعادى، كۇندىز وبلىستىڭ سولتۇستىگىندە، باتىسى مەن شىعىسىندا ەكپىنى 15-20 م/س قۇرايدى.

11- ناۋرىزدا كۇندىز پاۆلودار وبلىسىنىڭ سولتۇستىگى مەن باتىسىندا كوكتايعاق كۇتىلەدى. وڭتۇستىك- باتىستان جەل سوعادى، ءوڭىردىڭ ونتۇستىگى مەن شىعىسىندا ەكپىنى 15-20 م/س قۇرايدى.

11- ناۋرىزدا قوستاناي وبلىسىنىڭ وڭتۇستىك جارتىسىندا كوكتايعاق، تۇمان كۇتىلەدى. وبلىستىڭ سولتۇستىگىندە، شىعىسىندا جاياۋ بۇرقاسىن بولادى. جەلدىڭ ەكپىنى - 15-20 م/س.

12- ناۋرىزدا جامبىل وبلىسىنىڭ وڭتۇستىك- باتىسىندا، شىعىسىندا، تاۋلى اۋداندارىندا قاتتى جاڭبىر كۇتىلەدى. 11- ناۋرىزدا كۇندىز وبلىستىڭ باتىسىندا، 12 ناۋرىزدا كۇندىز وبلىستىڭ وڭتۇستىگىندە، باتىسىن مەن شىعىسىندا نايزاعاي بايقالادى. جەلدىڭ جىلدامدىعى 23 م/س قۇرايدى.

سونداي-اق سينوپتيكتەردىڭ مالىمەتىنشە، 11-12 ناۋرىزدا جەتىسۋ، الماتى وبلىستارىندا جانە الماتى قالاسىنىڭ ماڭىنداعى ايماقتاردا جاڭبىر تۇرىندە جاۋىن- شاشىن جاۋىپ، اۋا تەمپەراتۋراسىنىڭ كوتەرىلۋىنە بايلانىستى قاردىڭ قارقىندى ەرۋى، ەرىگەن قار سۋىنىڭ جينالۋى جانە تاۋ بەتكەيلەرىنەن تاسقىن سۋدىڭ اعۋى، وزەن- كولدەردە مۇزدىڭ السىرەۋى جانە سۋ دەڭگەيلەرىنىڭ كوتەرىلۋى كۇتىلەدى. بۇل رەتتە وزەن-كولدەردە سۋ ارناسىنان اسىپ، سۋ باسۋ جاعدايلارى بولۋى ىقتيمال.