ساباق كەزىندە وقۋشى مەن مۇعالىمنىڭ ۇيالى تەلەفون پايدالانۋىنا تىيىم سالىنباق
«ءبىلىم الۋشىلار ءبىلىم بەرۋ ۇيىمىنان تىس بولعان كەزدە ءبىلىم الۋشىلاردىڭ ءومىرى مەن قاۋىپسىزدىگى ءۇشىن اتا- انالارى نەمەسە وزگە دە زاڭدى وكىلدەرى جاۋاپتى بولادى. ءبىلىم بەرۋ ۇيىمىندا وقۋ- تاربيە پروتسەسىن جانە ءبىلىم بەرۋ ۇيىمىنان تىس جەردە وتكىزىلەتىن وقۋ- تاربيە ءىس- شارالارىن وتكىزۋ كەزىندە ءبىلىم الۋشىلاردىڭ ءومىرى مەن قاۋىپسىزدىگى ءۇشىن جاۋاپكەرشىلىك ءبىلىم بەرۋ ۇيىمى باسشىسىنىڭ بۇيرىعىنا سايكەس پەداگوگتەرگە جۇكتەلەدى»، - دەپ جازىلعان جاڭا رەداكسيادا.
سونىمەن بىرگە، جاڭا وزگەرىسكە سايكەس مەكتەپتىڭ ىشكى تارتىبىنە قاراما- قايشى ارەكەت جاساعان وقۋشىلار، ولاردىڭ اتا- اناسىنا نەمەسە زاڭدى وكىلىنە ەسكەرتپەستەن مەكتەپتەن شىعارىلمايدى.
«ءبىلىم الۋشى تەرىس قىلىقتار جاساعان، مەكتەپتىڭ ىشكى ءتارتىپ قاعيدالارى تالاپتارىن بۇزعان كەزدە ونى ساباقتاردان شەتتەتۋگە، سونداي- اق اتا- اناسىنىڭ نەمەسە وزگە دە زاڭدى وكىلدەرىنىڭ قاسىندا ەرىپ ءجۇرۋىنسىز ءبىلىم بەرۋ ۇيىمىنان شىعارۋعا جول بەرىلمەيدى. ءبىلىم بەرۋ ۇيىمى اتا- انالاردى نەمەسە وزگە دە زاڭدى وكىلدەردى قاجەت بولعان جاعدايدا ولاردى ءبىلىم بەرۋ ۇيىمىنا شاقىرا وتىرىپ، بولعان جاعداي تۋرالى حاباردار ەتەدى جانە ءتيىستى شارالار قابىلدايدى»، - دەلىنگەن قۇجاتتا.
بۇعان قوسا، ساباق كەزىندە قاجەتتىلىك بولماعان جاعدايدا پەداگوگ پەن وقۋشىعا ۇيالى تەلەفون قولدانۋعا تىيىم سالىنادى.
«مۇعالىمنىڭ شەشىمى بويىنشا ساباقتا ولاردى قولدانۋ قاجەتتىلىگىن ەسەپكە الماعاندا، ءبىلىم الۋشىلار مەن پەداگوگتار ساباقتاردا ءموبيلدى بايلانىس قۇرالدارىن پايدالانبايدى»، - دەپ وزگەرىس ەنگىزىلگەن بۇيرىققا.
ايتا كەتەيىك، قولدانىستاعى زاڭنامادا جوعارىدا اتالعان ەرەجەلەر جوق.
بۇيرىق 28- ناۋرىزعا دەيىن كوپشىلىك تالقىلاۋدا بولادى.
اۆتور
ءاليحان اسقار
