ۆاليۋتا كۋرسى: تەڭگە قىمباتتاپ، دوللار ارزانداۋدا

الماتى. قازاقپارات - ۇلتتىق بانك دوللار مەن ءرۋبلدىڭ 4-ناۋرىزعا ارنالعان باعامىن بەلگىلەدى، دەپ حابارلايدى قازاقپارات ءتىلشىسى.

اتاپ ايتقاندا، 1 دوللار قۇنى - 431,08 تەڭگە، رەسەي ءرۋبلىنىڭ ورتاشا سارالانعان باعامى - 5,72 تەڭگە.

3-ناۋرىز كەشكى ساۋدا قورىتىندىسى بويىنشا، دوللاردىڭ ورتاشا باعامى 4,47 تەڭگەگە تومەندەپ، 431,06 تەڭگە بولعان.

Kurs.kz مالىمەتى بويىنشا، استاناداعى ۆاليۋتا ايىرباستاۋ ورىندارىندا 1 دوللار 433 - 436 تەڭگەدەن ساتىلىپ جاتىر.

ال الماتىدا دوللار 433- 438 تەڭگە ارالىعىندا قۇبىلىپ تۇر.

ءدال قازىرگى ۋاقىتتا الماتىداعى اقشا ايىرباستاۋ ورىندارىندا رەسەي ۆاليۋتاسىن 5,65- 5,9 تەڭگەگە ساتىپ الۋعا بولادى.

استانادا رۋبل 5,67 -5,72 تەڭگەدەن ساۋدالانىپ جاتىر.

ەسكە سالساق، 2-ناۋرىزدا دوللار باعامى بىردەن 6 تەڭگەگە ارزاندادى. بۇل كورىنىس بۇگىنگە دەيىن جالعاسۋدا. تەڭگە باعامىنىڭ نىعايۋىنا ساراپشى پىكىر ءبىلدىرىپ، ونىڭ ۋاقىتشا قۇبىلىس ەكەنىن ايتقان بولاتىن.