الماتىنىڭ قوعامدىق كولىكتەرىندەگى «قوياندار» قانداي قۋلىققا بارادى
بۇل تۋرالى «الماتىەلەكتروترانس» ج ش س باس ديرەكتورىنىڭ ءوندىرىس جونىندەگى ورىنباسارى ومارحان ابىلايحان ايتتى، دەپ حابارلايدى قازاقپارات ءتىلشىسى.
سپيكەردىڭ ايتۋىنشا، الماتىنىڭ قوعامدىق كولىكتەگى باقىلاۋشىلارى جىل باسىنان بەرى جول اقىسىن تولەمەگەن جولاۋشىلارعا بايلانىستى پوليسياعا 113 رەت حابارلاسقان. تيىسىنشە، 113 جولاۋشىنىڭ ۇستىنەن اكىمشىلىك حاتتاما تولتىرىلدى.
«كەيىنگى كەزدە جولاۋشىلاردىڭ جول اقىسىن تولەمەۋ ءۇشىن ءتۇرلى ايلاعا بارۋى جيىلەگەن. ولاردىڭ كوبى جول كارتاسىنا اقشانى سالعانىنا ءالى 15 مينۋت وتپەگەنىن ءجيى ايتادى. بۇل جاعداي ولاردى جول اقىسىن تولەۋدەن بوساتپايدى جانە ساپار الدىندا كارتاسىنا تولەمنىڭ ۋاقتىلى ءتۇسۋىن قاداعالاۋى ءتيىس. ال، جەڭىلدىك كارتاسى بارلار، مىسالى زەينەتكەرلەر، وقۋشىلار جول اقىسىن تولەمەي، كارتوچكاسىز جۇرۋگە بولادى دەپ ويلايدى. سونداي- اق، جاستار كوبىنەسە SMS نەمەسە QR تەرىپ قويىپ وتىرا بەرەدى، باقىلاۋشى كىرگەندە عانا تولەي سالادى. ۇيالى تەلەفوننىڭ ەكران جارىعىن باسىپ، تەلەفونىنىڭ ءوشىپ قالعانىن ايتاتىندار بار. تولەم سكرينشوتىن جاساپ، سونى بىرنەشە رەت كورسەتە بەرەتىندەر دە بولادى. ءبىز قازىر ءبىز بۇل ايلالاردىڭ بارلىعىن جىكتەدىك جانە ءاربىر باقىلاۋشى الگوريتم بويىنشا قالاي تەكسەرۋ قاجەت ەكەنىن جاقسى بىلەدى»، - دەدى ومارحان ابىلايحان وڭىرلىك كوممۋنيكاتسيالار قىزمەتى الاڭىندا.
ول جول اقىسىن تولەمەۋ قالا ماڭىنا قاتىنايتىن مارشرۋتتاردا وزەكتى كۇيدە قالىپ وتىرعانىن ايتتى.
«قازىر بۇل ماسەلەدە وڭ ديناميكا بايقالادى. ەگەر 4 جىل بۇرىن قالالىق مارشرۋتتاردا جول اقىسىن تولەمەۋ شامامەن %30 بولسا، قالا ماڭىنداعى مارشرۋتتاردا %70 عا دەيىن جەتكەن. بۇگىنگى كۇنى جاعداي جاقساردى، ياعني ءبىزدىڭ بۇگىنگى ەسەپتەۋىمىز بويىنشا قالالىق مارشرۋتتاردا جول اقىسىن تولەمەۋ شامامەن %20 بولىپ وتىر»، - دەدى سپيكەر.
