قازاقستان مەن وزبەكستان بىرلەسكەن ساۋدا كومپانياسىن قۇردى

استانا. قازاقپارات - قازاقستان مەن وزبەكستان اراسىنداعى ءوزارا تاۋار اينالىمىن ۇلعايتۋ ءۇشىن «ۋزكازترەيد» ج ش ق سىرتقى ساۋدا كومپانياسى قۇرىلدى.

بۇل تۋرالى قازاقپارات ساۋدا مينيسترلىگىنە سىلتەمە جاساپ حابارلايدى.

ەكسپورتتىق-يمپورتتىق كاسىپورىننىڭ قۇرىلتايشىلارى «QazTradە» ساۋدا ساياساتىن دامىتۋ ورتالىعى» ا ق جانە «ۋزترەيد» ا ق بولدى.

قازاقستان مەن وزبەكستان مەملەكەتتەرى باسشىلارىنىڭ ۋاعدالاستىقتارىن دامىتۋ ءۇشىن ەلدەرىمىز اراسىندا لوگيستيكالىق مارشرۋتتاردى، سونداي-اق ەكسپورتتىق-يمپورتتىق وپەراتسيالارعا ارنالعان قىزمەتتەردى كەڭەيتۋ جونىندەگى جوبالار بەلسەندى تۇردە ىسكە اسىرىلۋدا. ءوزارا ساۋدانى ۇلعايتۋ - ەكى تاراپ تا جۇزەگە اسىرۋعا مۇددەلى ءبىرىنشى كەزەكتەگى مىندەتتەردىڭ ءبىرى.

سىرتقى ساۋدا كومپانياسىنىڭ قىزمەتى ەكى ەلدىڭ ءىرى كاسىپورىندارىنىڭ ونىمدەرىنە نارىقتىق زەرتتەۋلەر مەن باسەكەلەستىك تالداۋ جۇرگىزۋگە، دايىن ءونىمدى وندىرۋگە تاپسىرىستاردى ورنالاستىرۋ، ءوزارا ساۋدا پروتسەستەرىن وڭتايلاندىرۋ جانە ۇيلەستىرۋ جونىندە ۇسىنىستار ازىرلەۋگە، بيزنەستى سەرتيفيكاتتاۋعا جانە ءونىمدى ەكسپورتتاۋعا ىلگەرىلەتۋگە، سونداي-اق ولاردىڭ تاپسىرىستارى بويىنشا تەحنولوگيالىق جابدىقتاردى، قوسالقى بولشەكتەردى، جيىنتىقتاۋىشتاردى جەتكىزۋگە جاردەمدەسۋگە، وزبەكستان مەن قازاقستاندا ءۇشىنشى ەلدەردەن يمپورتتى الماستىرۋ ءۇشىن وندىرىلگەن شيكىزات پەن ماتەريالدار، جاڭا ساتىپ الۋشىلار مەن تۇتىنۋشىلاردى ىزدەۋگە باعىتتالاتىن بولادى.

«QazTradە» اق باس ديرەكتورى نۇرالى بوكەيحانوۆ اتاپ وتكەندەي، بىرلەسكەن كومپانيا قۇرۋ قازاقستاندىق كاسىپورىندارعا ەكى ەلدىڭ نارىقتارىنا تاۋارلاردى جەتكىزۋ كولەمىن ۇلعايتۋعا مۇمكىندىك بەرەدى، ءوزارا ساۋداداعى شەكتەۋلەر مەن كەدەرگىلەردى الىپ تاستاۋ بويىنشا ۇسىنىستار ازىرلەۋگە جاردەمدەسەتىن بولادى.

«باستاپقى كەزەڭدە ءبىزدىڭ ىشكى نارىقتىڭ قاجەتتىلىكتەرىن قامتاماسىز ەتۋ ءۇشىن وزبەكستاننان جەمىس- كوكونىس ونىمدەرىن ساتىپ الۋ جوسپارلانۋدا. بۇدان باسقا، اۋعانستانعا ودان ءارى ەكسپورتتاۋ مۇمكىندىگىمەن وزبەكستان اۋماعىندا قازاقستاندىق ۇن تارتۋ ونىمدەرىن ساتۋعا كومەكتەسەتىن بولامىز. ءبىز وزبەك تاراپىمەن لوگيستيكالىق شىعىستارعا پرەفەرەنتسيالار بەرۋ تۋرالى ۋاعدالاستىق»، - دەدى ساۋدا ساياساتىن دامىتۋ ورتالىعىنىڭ باسشىسى.

بۇدان باسقا، جوبانى ىسكە اسىرۋ قازاقستاندىق نارىقتىڭ ءۇشىنشى ەلدەردەن كەلەتىن يمپورتقا تاۋەلدىلىگىن قىسقارتۋ جونىندەگى مەملەكەتتىك شارالاردىڭ تيىمدىلىگىن ارتتىرۋعا ىقپال ەتەتىن بولادى.

2022 -جىلدىڭ قورىتىندىسى بويىنشا قازاقستان مەن وزبەكستان اراسىنداعى تاۋار اينالىمى 5,0 ميلليارد دوللارعا جەتتى، بۇل وتكەن جىلعى كورسەتكىشتەن 29,8 پايىزعا جوعارى (3,8 ميلليارد دوللار). قازاقستاندىق تاۋارلاردى ەكسپورتتىق جەتكىزۋ كولەمى 33 پايىزعا ءوسىپ، 3,7 ميلليارد دوللاردى قۇرادى. ەكسپورتتىڭ ءوسۋى نەگىزىنەن كەندى جانە مىس كونسەنتراتتارىن (ءوسىمى 4,8 ەسە)، بيدايدى (32,3 پايىزعا)، جەڭىل اۆتوموبيلدەردى (83,7 پايىزعا)، كۇنباعىس مايىن (97,2 پايىزعا)، جاڭا جانە سالقىنداتىلعان سيىر گوۆ (ءوسىمى 4,1 ەسە)، وڭدەلمەگەن اليۋمينيدى (70,4 پايىزعا) جەتكىزۋدىڭ ۇلعايۋىنا بايلانىستى بولدى).