ناۋرىز ايىنداعى اۋا رايى بولجامى
ناۋرىز ايىنىڭ باسىندا بارەنتس جانە كارسك تەڭىزدەر اۋداندارىنان سيكلون جانە ونىمەن بايلانىستى اتموسفەرالىق فرونتتار ەلىمىزدىڭ باسىم بولىگىندە جاۋىن- شاشىن، قار اكەلەدى. سولتۇستىك وڭىرلەردە بۇرقاسىن سوعۋى، ال وڭتۇستىكتە جاڭبىر جاۋىپ، نايزاعاي جارقىلدايدى. ق ر وبلىستارىنىڭ باسىم بولىگىندە كوكتايعاق، جەلدىڭ 18-25 م/س دەيىن كۇشەيۋى كۇتىلەدى. اي باسىندا سولتۇستىك وڭىرلەردە اۋا تەمپەراتۋراسى تۇندە 0، 5- گرادۋس، كۇندىز 2+5- گرادۋس، وڭتۇستىكتە تۇندە 3-10+ گرادۋس، كۇندىز 13+20+ گرادۋسقا دەيىن جوعارىلاۋى بولجانادى.
تەك قازاقستاننىڭ باتىسىندا، سولتۇستىك- باتىسىندا باتىس سۋىق انتيسيكلونىمەن اۋا تەمپەراتۋراسىنىڭ تۇندە 5-12- گرادۋس، كۇندىز 0، 8- گرادۋسقا دەيىن ازداپ تومەندەۋى كۇتىلەدى. قازاقستان رەسپۋبليكاسىنىڭ قالعان اۋماعىندا 3-4-ناۋرىزدا اۋا تەمپەراتۋراسىنىڭ تومەندەۋى بولجانادى:
- سولتۇستىكتە تۇندە 10-18- گرادۋس، كۇندىز 3-10- گرادۋسقا دەيىن؛
- وڭتۇستىكتە تۇندە 0، 8- گرادۋس، كۇندىز 5+13+ گرادۋسقا دەيىن.
ءبىرىنشى ونكۇندىكتىڭ ەكىنشى جارتىسىندا رەسپۋبليكا اۋماعىندا قايتادان تۇراقسىز اۋا رايى كۇتىلەدى، بۇل باتىس سيكلوندارىنىڭ ىقپالىمەن جانە وڭتۇستىك كاسپي سيكلونىنىڭ شىعۋىمەن بايلانىستى بولادى - جاۋىن- شاشىن، كوبىنەسە جاڭبىر، كۇندىزگى اۋا تەمپەراتۋراسىنىڭ ايتارلىقتاي جوعارىلاۋىمەن بولادى. سولتۇستىگىندە كۇندىز 2+5- گرادۋس دەيىن، وڭتۇستىك بولىگىندە 17+22+ گرادۋس دەيىن جوعارىلاۋى بولجانادى. اۋا تەمپەراتۋراسىنىڭ تاعى ءبىر تومەندەۋى باتىس انتيسيكلونىمەن بايلانىستى ونكۇندىكتىڭ سوڭىندا بولجانادى.
ەكىنشى ونكۇندىكتىڭ باسىندا قر باسىم بولىگىندە يران اۋداندارىنان جىلى اۋا ماسسالارىنىڭ ىقپالىمەن جىلى جانە جاۋىن- شاشىنسىز اۋا رايى كۇتىلەدى. اۋا تەمپەراتۋراسى كۇندىز سولتۇستىك جارتىسىندا 3+10+ گرادۋس دەيىن، وڭتۇستىك جارتىسىندا 18+25+ گرادۋس دەيىن جوعارىلايدى.
ناۋرىزداعى اۋا رايى قۇبىلمالى، بۇل وسى ايعا ءتان، ەرۋ كوبىنەسە ايازدى كۇندەرمەن الماستىرىلۋى مۇمكىن جانە قىسقى بوران ءالى دە ويناۋى مۇمكىن.
ەكىنشى ونكۇندىكتىڭ كەي ءبىر كۇندەرىندە سۋىق اركتيكالىق اۋا ماسسالارى ەنۋى اۋا تەمپەراتۋراسىنىڭ تومەندەۋىنە اكەلەدى:
سولتۇستىك وڭىرلەردە تۇندە 15-23- گرادۋس، كۇندىز 5-10- گرادۋسقا دەيىن؛
ەلىمىزدىڭ باتىسىندا، ورتالىعىندا، شىعىسىندا تۇندە 13-18- گرادۋس، كۇندىز 0، 5- گرادۋسقا دەيىن، وڭتۇستىك جانە وڭتۇستىك- شىعىس وڭىرلەردە تۇندە 2-10- گرادۋس، كۇندىز 0، 5+ گرادۋسقا دەيىن اۋا تەمپەراتۋراسى ساقتالادى.
رەسپۋبليكادا ناعىز كوكتەمگى اۋا رايى ايدىڭ ءۇشىنشى ونكۇندىگىندە كۇتىلەدى، ەلىمىزدىڭ وڭتۇستىك جارتىسىندا اۋا تەمپەراتۋراسى كۇندىز بىرتىندەپ 15+25+ گرادۋسقا دەيىن، سولتۇستىك جارتىسىندا اۋا تەمپەراتۋراسى 3+12+ گرادۋسقا دەيىن جوعارىلايدى.
