تارازدىق وقۋشى ءورت ءسوندىرۋشى روبوت قۇراستىردى
ۆياچەسلاۆ كۋزمين 9-سىنىپ وقۋشىسى. ول تەحنيكالىق- شىعارماشىلىق ورتالىقتا قوسىمشا ءبىلىم الادى. توتەنشە جاعداي كەزىندە كومەك بولاتىن قۇرىلعىنى وسى ورتالىقتا تالىمگەرى اينۇر سۇرانشيەۆانىڭ جەتەكشىلىگىمەن جاساپ شىعارعان. روبوتقا «تەمىر- باتىر» دەپ ات قويعان. قۇلتەمىر ءورت كەزىندە جالىندى ءسوندىرىپ، قويۋ ءتۇتىن ىشىندە قالعان ادامدى دا ىزدەپ تابا الادى.
«روبوتتىڭ الدىندا كەدەرگىلەردى يتەرۋگە ارنالعان قۇرىلعىسى جانە كامەراسى بار. تەمىر- باتىردى قاشىقتىقتان باسقارىپ، كامەرا ارقىلى ءورت بولعان جەردى كورۋگە، ۋلترادىبىستى قوندىرعىنىڭ كومەگىمەن ءورتتىڭ قاي جەردەن شىققانىن، ادامنىڭ بار-جوعىن انىقتاۋعا بولادى. روبوتتىڭ ىشىنە ەكى باك ورناتىلعان. وعان جاعدايعا بايلانىستى كوپىرشىك نەمەسە سۋ تولتىرىلادى. سۇيىقتىق قىسىممەن 5 مەتر قاشىقتىققا شاشىلادى»، - دەيدى ونەرتاپقىش.
ۆياچەسلاۆ كۋزمين تەمىر-باتىردى جامبىل وبلىسىنىڭ توتەنشە جاعدايلار دەپارتامەنتى ماماندارىنا اپارىپ كورسەتپەك. پاتەنت الىپ، روبوتتى تاعى دا جەتىلدىرۋ جوسپارىندا بار.
