الەمدەگى ەڭ مىقتى ءتولقۇجاتتار رەيتينگىندە قازاقستان قانشاسىنشى ورىندا؟
قوزعالىسقا ىڭعايلى ءتولقۇجاتتىڭ يەلەرى بىرىككەن اراب امىرلىكتەرىندە تۇرادى. بۇل ەلدىڭ ازاماتتارىنا 123 ەلگە ۆيزاسىز كىرۋ مۇمكىندىگى بار، سونداي-اق نەبارى 58 ەلگە ۆيزا راسىمدەۋى كەرەك.
ەكىنشى ورىنعا ەۋروپانىڭ 10 ەلى مەن وڭتۇستىك كورەيا شىققان. بۇل ەلدىڭ ازاماتتارىنىڭ تولقۇجاتىمەن 129 ەلگە ۆيزاسىز كىرۋ مۇمكىندىگى بەرىلگەن:
شۆەتسيا؛
گەرمانيا؛
فينليانديا؛
ليۋكسەمبۋرگ؛
يسپانيا؛
فرانسيا؛
يتاليا؛
نيدەرلاندى؛
اۆستريا؛
شۆەيتساريا؛
وڭتۇستىك كورەيا.
قازاقستان 54-ورىندا. ءبىزدىڭ ەلىمىزدىڭ ازاماتتارى ب ا ءا، تۇركيا، وزبەكستان، ۋكراينا، تاجىكستان، سۋرينام، سەنت-ۆينسەنت جانە گرەنادينا، سەربيا، رەسەي، فيليپپين، پالەستينا اۋماعى، ومان، ناميبيا، مونتەنەگرو، موڭعوليا، مولدوۆا، ميكرونەزيا، مالايزيا، قىرعىزستان، يران، گونكونگ، گايتي، گرۋزيا، گامبيا، ەكۆادور، دومينيكان رەسپۋبليكاسى، دومينيكان، كوستا-ريكا، كولۋمبيا، برازيليا، بەلورۋسسيا، باربادوس، ءازىربايجان، ارمەنيا، ارگەنتينا، انتيگۋا جانە باربۋدا، البانيا سياقتى 40 ەلگە ەركىن كىرە الادى.
كەلگەننەن كەيىن ءبىزدىڭ ەلدىڭ ازاماتتارى 52 مەملەكەتتە ۆيزا الا الادى، ال 106 ەلگە كىرۋ ءۇشىن الدىن الا ۆيزا راسىمدەۋ قاجەت. كورشى بەلارۋس قازاقستانمەن ءبىر پوزيتسيادا تۇر.
ۋكراينا رەيتينگتە 19-ورىندا، رەسەي - 37-ورىندى يەلەندى. ارمەنيا – 64، وزبەكستان – 69، قىرعىزستان 68 دە ورنالاسقان.
