08:55, 01 - ناۋرىز 2023 | GMT +5
قار، كوكتايعاق، بوران: كوكتەمنىڭ العاشقى كۇنىنىڭ اۋا رايى بولجامى
استانا. قازاقپارات - قازگيدرومەت سينوپتيكتەرى 1-ناۋرىز، سارسەنبىگە ارنالعان اۋا رايى بولجامىن ۇسىندى، دەپ حابارلايدى قازاقپارات.
اتلانتيكالىق سيكلون قازاقستان اۋماعىنىڭ باسىم بولىگىندە اۋا رايىنا ىقپال ەتەدى، وسىعان بايلانىستى جاۋىن- شاشىن (جاڭبىر، قار) جاۋادى، كوكتايعاق بولادى.
ەلىمىزدىڭ سولتۇستىگىندە جاياۋ بۇرقاسىن ساقتالادى.
تەك ەلىمىزدىڭ وڭتۇستىگى، وڭتۇستىك-شىعىسى جانە شىعىسى اتموسفەرالىق جوعارى قىسىم اۋماعىندا بولعاندىقتان مۇندا جاۋىن-شاشىن جاۋمايدى.
قازاقستان بويىنشا جەل كۇشەيىپ، تۇمان تۇسەدى.
