08:38, 01 - ناۋرىز 2023 | GMT +5
ماڭعىستاۋ تۇرعىنى ءيت ايۋدى ۆيدەوعا ءتۇسىرىپ الدى
اقتاۋ. قازاقپارات - ماڭعىستاۋلىق تۇرعىن الەۋمەتتىك جەلىگە ءيت ايۋدىڭ كولىكتەن قاشىپ بارا جاتقان ۆيدەوسىن جاريالادى، دەپ حابارلايدى قازاقپارات ءتىلشىسى.
جەلىدەگى بەينەگە قاتىستى ءۇستىرت تابيعي مەملەكەتتىك قورىعى باسشىسىنىڭ مىندەتىن اتقارۋشى جاسقايرات نۇرمۇحامبەتوۆ پىكىر ءبىلدىردى.
«ءيت ايۋ اڭىنىڭ تارالۋ ارەالى - قازاقستان، وزبەكستان، تۇركمەنستان، يران جانە افريكا اۋماعى. قازاقستاندا تەك ماڭعىستاۋ وبلىسىندا مەكەندەيدى. قازاقستاننىڭ قىزىل كىتابىنا ەنگەن جانۋار. ءۇستىرت مەملەكەتتىك تابيعي قورىعىندا كەزدەسەدى جانە قورعالادى. بەينەدە ماڭعىستاۋدىڭ ناقتى قاي جەردە تۇسىرىلگەنى بەلگىسىز»، - دەيدى جاسقايرات نۇرمۇحامبەتوۆ.
ءيت ايۋ - سۋسارلار تۇقىمداسىنا جاتاتىن جىرتقىش سۇتقورەكتى اڭ.
ۇستىرتتە بىرەن- ساراڭ كەزدەسەدى. 1983 -جىلدان باستاپ 10-15 اڭ ەسەپكە الىنعان. قازاقستانداعى سانى بىرنەشە وندىقتان اسپاۋى مۇمكىن.
فوتو: inaturalist.org
اۆتور
ينديرا ساتەنباي
Посмотреть эту публикацию в Instagram
