اقتوبە وبلىسىندا «اۋىل اماناتى - بابالار اماناتى» رەسپۋبليكالىق فورۋمى ءوتتى
بۇل تۋرالى قازاقپارات اقتوبە وبلىسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.
وبلىس اكىمى ەرالى توعجانوۆ فورۋمعا قاتىسۋشىلاردى قۇتتىقتاپ، اقتوبە وبلىسىنىڭ قازاقستاندا العاش بولىپ ىسكە اسىرعان بۇل جوباسى اۋىلدىڭ دامۋىنا، حالىقتى ساپالى ازىق- تۇلىكپەن قامتاماسىز ەتۋگە، ءوڭىر تۇرعىندارىنىڭ جۇمىس ورىندارى مەن تابىستارىن ۇلعايتۋعا ىقپال ەتە وتىرىپ، ەل ەكونوميكاسىنىڭ جاڭا قوزعاۋشى كۇشى بولاتىنىن اتاپ ءوتتى.
ءوڭىر باسشىسى «اۋىل اماناتىنا» ۇلكەن ءۇمىت ارتىپ، جوبا حالىقتىڭ اۋىلداردان قالاعا ۇدەرە كوشۋى سياقتى كۇردەلى ماسەلەنى شەشەدى دەپ ەسەپتەيدى.
«مەملەكەت باسشىسى قاسىم- جومارت توقايەۆ ءوزىنىڭ العاشقى جارلىعىندا اۋىل تۇرعىندارىنىڭ ءال- اۋقاتىن ارتتىرۋعا ەرەكشە نازار اۋدارا وتىرىپ، اۋىلداردى دامىتۋ تۇجىرىمداماسىن ازىرلەۋدى تاپسىردى.
ءبىزدىڭ ءوڭىر حالقىنىڭ %25,5 ى نەمەسە 236 مىڭ ادام اۋىلدىق جەرلەردە تۇرادى. سوڭعى 4 جىلدا اۋىل حالقىنىڭ سانى %7,1- عا ازايىپ، 18 مىڭ ادامدى قۇرادى. كوشى- قون اعىمىندا ەڭبەككە قابىلەتتى جاستاردىڭ ۇلەسى باسىم. وسى سەبەپتى ءبىز اۋىلدىق ەلدىمەكەندەردى دامىتۋداعى پراكتيكالىق ءىس- قيمىلدارعا كوشۋىمىز كەرەك.
بىلتىر ەلىمىزدە العاش رەت «اۋىل اماناتى» جوباسى اقتوبە وبلىسىندا باستاۋ الدى. ءبىز اۋىلدىڭ ماسەلەلەرىن شەشپەي، قالا ماسەلەلەرىن شەشە المايمىز»، - دەپ اتاپ ءوتتى ەرالى توعجانوۆ.
تاۋەلسىزدىك العاننان بەرى العاش رەت ءوڭىردىڭ بارلىق 134 اۋىلدىق وكرۋگىنە سكرينينگ جۇرگىزىلدى، ءاربىر وكرۋگتىڭ الەۋمەتتىك- ەكونوميكالىق دامۋ جوسپارى ازىرلەندى، جۇمىسسىز ادامداردىڭ، ا ا ك الۋشىلاردىڭ، ءوزىن- ءوزى جۇمىسپەن قامتىعانداردىڭ تىزىمدەرى جاسالدى. حالىقتىڭ بۇل ساناتتارى ەرەكشە نازار اۋدارادى.
«اۋىل اماناتىن» ىسكە اسىرۋ ارقىلى جوباعا قاتىساتىن اۋىلدارداعى جۇمىسسىزدىق دەڭگەيىن %41,4 عا، اتاۋلى الەۋمەتتىك كومەك الۋشىلاردى %49,3 عا تومەندەتەدى. وتباسىنىڭ ورتاشا تابىسى 2 ەسە ارتادى.
بۇدان وزگە، ءاربىر وتباسىنىڭ تابىسىنىڭ ورتاشا مولشەرىن، اۋىلدىڭ ەكونوميكالىق الەۋەتى مەن ناقتى مۇمكىندىكتەرىن، ونىڭ ىشىندە جەر رەسۋرستارىن، جەم- ءشوپ پەن سۋ قورلارىن انىقتاۋ بويىنشا جۇمىس جۇرگىزىلدى.
حالىق تۇتىناتىن 65 نەگىزگى ازىق- تۇلىكتىڭ ىشىنەن وبلىس ءوزىن تەك 7 تۇرىمەن، 45 ءتۇرى ءىشىنارا %1 دان %69- عا دەيىن تولىق قامتاماسىز ەتەدى.
سونىمەن، قۇس ەتىنىڭ %95 عا جۋىعى شەتەلدەن جانە باسقا ايماقتاردان جەتكىزىلەدى، ال ىشكى نارىقتى جەرگىلىكتى كوكونىستەرمەن قامتاماسىز ەتۋ دە %40 عا جەتپەيدى. جوبا ءوز تاۋارلارىمەن قامتۋ دەڭگەيىن ارتتىرۋعا باعىتتالعان.
قارجىلىق نەسيەلەندىرۋمەن قاتار، ءىرى شارۋا قوجالىقتارىنىڭ قولداۋىمەن تاۋارلىق نەسيەلەۋ تەتىگى اياسىندا اۋىل تۇرعىندارىنا 6 مىڭ باس مال بەرۋ جوسپارلانۋدا. 28 شارۋا قوجالىعى 70 وتباسىنا 165,6 ميلليون تەڭگە سوماعا 865 باس مال بەردى.
بۇگىنگى فورۋمنىڭ قورىتىندىسى بويىنشا 33 وتباسى 75,8 ميلليون تەڭگە سوماسىنا 533 باس مال الادى.
سونىمەن قاتار، ءومىر ءسۇرۋ ءۇشىن قولايلى جاعدايلاردى قامتاماسىز ەتۋ بويىنشا شارالار قابىلدانۋدا. ايماق باسشىلىعى تسيفرلىق دامۋ مينيسترلىگىمەن 67 اۋىلدى كەڭجولاقتى ءموبيلدى ينتەرنەتپەن قامتاماسىز ەتۋ تۋرالى كەلىسىمگە قول قويدى. ناتيجەسىندە وبلىستىڭ اۋىل حالقىنىڭ %98,5 ى ساپالى ينتەرنەتپەن قامتاماسىز ەتىلەدى.
«ءبىلىم ALL» وڭىرلىك جوباسى اياسىندا تۇرعىلىقتى جەرىنە قاراماستان بالالاردىڭ تەڭ ءبىلىم الۋىنا جاعدايلار جاسالعان. سونداي- اق اۋىل تۇرعىندارىن ساپالى مەديتسينالىق قىزمەتتەرمەن قامتاماسىز ەتۋ بويىنشا ناقتى شارالار قابىلداندى.
ەرالى توعجانوۆ اعا بۋىن، بيزنەس وكىلدەرىن اۋىلدىڭ دامۋى مەن اباتتاندىرىلۋىنا تيىمدىلىگى جوعارى جوبالارعا بەلسەندى قاتىسۋعا جانە قولداۋعا شاقىردى.
ق ر اۋىل شارۋاشىلىعى ۆيتسە- ءمينيسترى ءابىلقايىر تامابەك ءوز بايانداماسىندا «اۋىل اماناتى» جوباسىنىڭ رەسپۋبليكالىق دەڭگەيدە ىسكە اسىرىلۋ بارىسى تۋرالى ايتتى.
ول اقتوبەلىك جوبانىڭ قاتىسۋشىلارىنا ساتتىلىك تىلەپ، اقتوبە وبلىسىنىڭ تاۋارلىق نەسيەلەر بەرۋ تاجىريبەسى قازاقستان اۋماعىن قامتيتىنىن العا تارتتى.
وڭىرلىك جوباعا قاتىسۋشىلارعا العاشقى كەڭەس بەرۋدەن باستاپ ءونىمدى وتكىزۋدى ۇيىمداستىرۋعا دەيىن ولاردىڭ قۇزىرەتىن ارتتىرۋ ءۇشىن كاسىپكەرلەر پالاتاسى جانىنان «QAZYNA» پيلوتتىق وقىتۋ جوباسى باستالدى. اۋىلدا شاعىن جوبالاردى ىسكە اسىراتىن جانە ءوز بىلىمدەرىمەن بولىسۋگە دايىن بەلسەندى، تابىستى كاسىپكەرلەر پۋلى قالىپتاستى.
«مەملەكەت باسشىسىنىڭ اۋىلداردىڭ ءال- اۋقاتىن ارتتىرۋ تۋرالى جارلىعىن جۇزەگە اسىرۋ اياسىندا «اۋىل اماناتى» جوباسىن باستاۋدى اۋىل تۇرعىندارى وڭ قابىلدادى. العىس ايتۋ كۇنى قارساڭىندا بارلىق اقتوبەلىكتەردىڭ اتىنان پرەزيدەنتكە اۋىلدىڭ ماسەلەلەرىنە قامقورلىق پەن كوڭىل بولگەنى ءۇشىن العىس بىلدىرەمىن.
وكىنىشكە وراي، قالادا تاپقان قاراجاتى جەتىسپەيتىن جاستاردى ءجيى كورەمىن. ولار اۋىلدارعا ورالىپ، «اۋىل اماناتىنا» قاتىسۋى كەرەك دەپ سانايمىن. شىنىندا دا، بۇل - ولاردىڭ ماتەريالدىق جاعدايىن جاقسارتۋعا، تابىسىن ارتتىرۋعا تاماشا مۇمكىندىك»، - دەدى اقساقال كەلدىباي ەسپاعامبەتوۆ وبلىس تۇرعىندارىنا.
«فورۋم اياسىندا ءبىز تاجىريبە الماسىپ قانا قويماي، الەۋەتتى قاتىسۋشىلارعا جوبانىڭ ناقتى تەتىگىن، ءىس- قيمىل الگوريتمىن تاعى دا تۇسىندىردىك. فورۋم جۇمىسىن قورىتىندىلاي كەلە، «اۋىل اماناتى» جوباسىنا قاتىسۋشىلاردى ودان ءارى ىنتالاندىراتىن جاڭا كىشى جوبالار تۋرالى جاريالاعىم كەلەدى، ولاردى بۇگىن باستاۋعا رۇقسات بەرەمىن!»، - دەدى وبلىس اكىمى.
ءوڭىر باسشىسىنىڭ تاپسىرماسى بويىنشا بيىلعى جىلى «ۇزدىك اۋلا»، «ۇزدىك جەكە قوسالقى شارۋاشىلىق»، «ۇزدىك اۋىل اكىمى»، «ۇزدىك اۋىلدىق كووپەراتيۆ» جانە ت. ب. 14 نوميناتسيا بويىنشا جەڭىمپازداردى انىقتايتىن بايقاۋ جاريالاندى.
فورۋم سوڭىندا ءوڭىر باسشىسى كاسىپكەرلەرمەن مەموراندۋمدارعا قول قويدى. كاسىپكەرلەر جالپى قۇنى 1,7 ميلليارد تەڭگە سوماسىنا «اباتتاندىرىلعان اۋىل» جوباسىن ىسكە اسىرۋعا ۇلەس قوسۋعا نيەتتى.
